جەبەل تارق: چ وەلاتان داخوازا گرتنا کەشتیا ئیرانێ نەکریە

جەبەل تارق: چ وەلاتان داخوازا گرتنا کەشتیا ئیرانێ نەکریە

WAAR-دهۆك:

حکومەتا جەبەل تارق راگەھاند؛ دەست ب سەرداگرتنا کەشتیا پەترۆلا ئیرانێ بریارا وان بوو و ئەو گاڤ ل سەر داخوازا چ ئالیان نەھاڤێتیە.
فابینا پیکاردۆ، سەرۆکێ حکومەتا جەبەل تارق ئەڤرۆ ل ھەمبەری پەرلەمانی وەلاتێ خوە گۆت: د حالەتێن بنپێکرنا قانوونێن وان دا ئەو ب خوە بریارێ د دەن و بریارا دەست ب سەرداگرتنا کەشتیا پەترۆلێ یا ئیرانێ ل سەر بنەمایێ سیاسی یان ل سەر داخوازا چ وەلاتان یان ئالیان نەھاتیە دان.
سەرۆکێ حکومەتا جەبەل تارق ئاشکرا ژی کر کو نێزیکی 2 ملیۆن و 100 هزار بەرمیلێن پەترۆلێ د وێ کەشتیا ئیرانی دا بوو.
جەبەل تارق ل ھەفتیا بوری کەشتیەکا ئیرانی یا پەترۆلا گرتیە کو ب نیاز بوو بەرەڤ سووریێ بچیت و وەھا راگەھاندیە کو سزایێن ئێکەتییا ئەورۆپا ل سەر سووریێ رێ ب وان نادەت ئەو کەشتی دەرباز ببیت.

بابه‌تێن ب ڤێ مژارێ ڤه‌ گرێدای