جەبار یاور: پێشمەرگە نەچوویە دۆزخورماتوو و فەللووجە

جەبار یاور: پێشمەرگە نەچوویە دۆزخورماتوو و فەللووجە

WAAR-دهۆك:

وەزارەتا پێشمەرگەی یا حکومەتا ھەرێما کوردستانێ رۆھنکرنەک ل دۆر ڤەگەریانا پێشمەرگەی بۆ نێزیک دۆزخورماتۆ بەلاڤ کر و راگەھاند؛ ئەو نووچە دوورن ژ راستیێ و پێشمەرگە ل وان دەڤەران بەلاڤ نەبوویە.
فەریق جەبار یاور، ئەمیندارێ گشتیێ وەزارەتا پێشمەرگەی د بەیانەکێ دا راگەھاند؛ ھندەک سازیێن راگەھاندنێ ژ زارێ فەرماندارەکێ پێشمەرگەی نووچەیێ ڤەگەریانا پێشمەرگەی بۆ نێزیک دۆزخورماتۆ و چوونا دو فەوجێن پێشمەرگەی بۆ باژارێ فەللووجە بەلاڤ کرییە.
ئاشکرا کر، ئەو نووچە دوورە ژ راستیێ و چو یەکەیێن پێشمەرگەی بەر ب وان دەڤەران نەچووینە و فەرمانا چوونێ ژی نەھاتیە دان.
یاور ئاشکرا ژی کر، ھەر نووچەیەکێ ژ ھەر ژێدەرەکی بھێت بەلاڤ کرن و یێ فەرمی نەبیت و ژ ئالیێ وەزارەتا پێشمەرگەی نەبیت، نووچەیێن بێ بنەمانە و ناھێن پەسەند کرن.

بابه‌تێن ب ڤێ مژارێ ڤه‌ گرێدای