جێفری: ئەم ھەموو ھێزێن خوە ژ سووریا ڤەناکێشین

جێفری: ئەم ھەموو ھێزێن خوە ژ سووریا ڤەناکێشین

WAAR-دهۆك:

ھنارتییێ ئەمریکا بۆ سوورییێ دیار کر کو ئەوان بەحسا ڤەکێشانا ھێزێن خوە ژ سووریا نەکرییە و دێ ھێزێن ئاسمانی دەڤەرێن ھەسەدێ پارێزن.
جێمس جێفری، ھنارتییێ ئەمریکا یێ تایبەت بۆ سوورییێ ل کۆنگرێسی راگەھاند: وان چ جاران بەحسا ڤەکێشانا ھێزێن ئاسمانی یێن ئەمریکا ژ سوورییێ نەکرییە کو دەڤەرێن باکورێ رۆژھەلاتێ سوورییێ یێن ل ژێر دەستھەلاتا ھێزێن سووریایا دیمۆکراتیک، ھەسەدێ دپارێزن و سەرۆک ترامپی د سەرەدانا ئیراقێ دا رۆن کربوو کو ئەو دێ بەردەوامییێ دەنە پشتبەستنێ ل سەر وان ھێزان ، دا ئارامییێ و پەیوەندییێن د گەل کوردان دا بپارێزن.
جێفری ل دۆر بریارا ڤەکێشانا ھێزێن زەمینی ژی گۆت: ژ مەھا سباتێ رەوش ھات گوھەرین و وان بریار دایە ھندەک ھێزێن خوە ل سوورییێ بھێلن و وان باوەرییا خوە د گەل ھەسەدێ دا ژ دەست نەدایە و تێکلییێن وان باشن.

ھنارتییێ ئەمریکا بۆ سووریێ لدۆر ئاڤاکرنا دەڤەرا ئارام ژی راگەهاند؛ کو ئە دەڤەر دێ ل ژێر سەرپەرشتییا ھێزێن لۆکال بیت و ئەمریکا بریار تێدا ھەبیت.
جێفری دیار کر: ئەو ھەول ددەن تورکیا و ھەسەدە پێکبھێن و ئالۆزییان زێدە نەکەن و ئەو دلگرانییا تورکیا پێشچاڤ وەردگرن، لێ دێ ئێمناھییا ھەڤپەیمانێن خوە یێن ھەسەدێ ژی پارێزن.
هەروەها ژ بۆ دەڤەرا ئارام ژی گۆت: ئەو د ھەولان دا نە و ھێشتا سیمایێن وێ رۆن نەبووینە، لێ ئەو دەڤەرە دێ ل ژێر چاڤدێرییا ھێزێن لۆکال بیت و دێ تورکیا ژی خالێن چاڤدێرییێ لێ ھەبن و ئەمریکا ژی خوەدان بریار بیت تێدا.

بابه‌تێن ب ڤێ مژارێ ڤه‌ گرێدای