WAAR-دهۆك:
جڤاتا وەزیرێن ھەرێما کوردستانێ كۆم بوو و گۆتوبێژا سه‌رژمێرییا گشتی ل ئیراقێ و ئه‌نجامێن كۆمبوونا ل گه‌ل فراكسیۆنێن كوردستانى كر.
په‌یامنێرێ وار ل هه‌ولێرێ راگه‌هاند: ئه‌ڤرۆ سپێدێ جڤاتا وه‌زیرێن هه‌رێما كوردستانێ ب سه‌رۆكاتییا مه‌سروور بارزانی، سه‌رۆكێ جڤاتێ كۆم بوو، لێ ژبه‌ركو قوباد تاله‌بانى ب سه‌ره‌دانه‌كا فه‌رمى ل وه‌لاتێ لوبنانێ یه، پشكدارى كۆمبوونێ نه‌بوو.
گۆت ژى: جڤاتا وه‌زیران كاریگه‌ری و ترسا پرۆژه‌یا سەرژمێرییا گشتی یا ئیراقێ ئه‌وا چاڤه‌رێیه ساله‌كا دی بهێت كرن، هه‌روه‌ها ده‌رئه‌نجامێن كۆمبوونا حكومه‌تا هه‌رێمێ دگه‌ل فراكسیۆنێن كوردستانی ل به‌غدا، د كۆمبوونێ دا باس كرن.
هه‌روه‌ها جڤاتا وه‌زیران باس ل هنده‌ك بابەتێن گرێدایی وەزارەتا دارایی یا حکومەتا ھەرێمێ ژى كر و چاڤه‌رێیه ئه‌ڤرۆ ئێڤارى په‌یڤدارێ حكومه‌تێ بریار و ناڤه‌رۆكا كۆمبوونێ د كۆنگره‌یه‌كێ رۆژنامه‌ڤانى دا رابگه‌هینیت.
