جڤاتا وه‌زیرێن هه‌رێمی كۆمبوو و 3 بریار دان

جڤاتا وه‌زیرێن هه‌رێمی كۆمبوو و 3 بریار دان

WAAR-دهۆك:

جڤاتا وه‌زیرێن هه‌رێما كوردستانێ ئه‌ڤرۆ كۆمبوونا خوه‌ یا دوێ گرێدا و بریار دا رێنمایی یێن تایبه‌ت ژبۆ جێبه‌جێكرنا بریارێن كۆمبوونا ئێكێ یا جڤاتێ بهێن ده‌ركرن.
جڤاتا وه‌زیرێن هه‌رێما كوردستانێ ئه‌ڤرۆ ب سه‌رۆكاتییا مه‌سروور بارزانی كۆمبوو، سێ ته‌وه‌رێن سه‌ره‌كی د كۆمبوونێ دا هاتن گۆتوبێژ كرن، ژ وان بریارێن كۆمبوونا ئێكێ و میكانزما جێبه‌جێكرنا وان، هه‌روه‌ها لژنه‌یا هه‌ڤپشكا ناڤبه‌را حكومه‌تا هه‌رێمێ و ئیراقێ، هه‌روه‌ها بریاره‌كا تایبه‌ت ب مالپه‌رێ حكومه‌تێ ڤه‌.
پشتی كۆمبوونێ و ل گۆری راگه‌هاندنه‌كا فه‌رمی یا حكومه‌تێ، جڤاتا وه‌زیران د كۆمبوونا ئه‌ڤرۆ دا بریار دا رێنمایێن تایبه‌ت ژ ئالیێ وه‌زاره‌تان بۆ جێبه‌جێكرنا بریارێن كۆمبوونا ئێكێ یا جڤاتا وه‌زیران بهێن ده‌ركرن.
مه‌سروور بارزانی سه‌رۆكێ حكومه‌تێ د كۆمبوونێ دا به‌حسا سه‌ره‌دانا شاندا هه‌رێمێ بۆ به‌غدا كر و گۆت: بریاره‌ شاندێن هه‌ڤپشكێن هه‌ردو ئالییان ل ده‌مه‌كێ نێزیك ده‌ست ب گۆتوبێژان بۆ دانانا میكانزما چاره‌یا كێشه‌یێن هه‌لاویستی بكه‌ن.
د سێیه‌م بریار دا، جڤاتا وه‌زیران به‌حسا ئه‌لكیترۆنیكرنا حكومه‌تێ و ب ده‌ستخستنا زانیاری و به‌لگه‌نامه‌یان كر و راگه‌هاند كو گرنگییه‌كا زێده‌تر ب مالپه‌رێ حكومه‌تێ بهێت دا ب ره‌نگه‌كی ببیته‌ مالپه‌ره‌كێ پرۆفیشینال و ژێده‌رێ زانیارییان بۆ وه‌لاتیێن هه‌رێما كوردستانێ.
د كۆمبوونا ئه‌ڤرۆ یا جڤاتێ دا، كریارا تیرۆرستی یا هه‌ولێرێ هات شه‌رمه‌زار كرن و ده‌ستخۆشی ژی ل هێزێن ئاساییش و دژه‌ تیرۆرێ كر كو شیان د ده‌مه‌كێ كێم دا تاوانباران ده‌سته‌سه‌ر بكه‌ن.

بابه‌تێن ب ڤێ مژارێ ڤه‌ گرێدای