WAAR-دهۆك:
كۆمپانیه‌كا كاروبارێن هونه‌رى یا ئه‌مریكى، جوتهكێ گۆرێن مایكل جاكسۆنى خستیه به‌ر مه‌زادێ و بهایێ وان دێ گه‌هیته 2 ملیۆن دۆلاران.
كۆمپانییا “گۆت هه‌ڤ رۆك ئه‌ند رۆل” راگه‌هاند: ئه‌و جوتێ گۆران ب كریستالى هاتییه نه‌خشاندن و پتر ژ جاره‌كێ ژ ئالیێ ستێرا پۆپا ئه‌مریكى مایكل جاكسۆنى ڤه هاتییه بكارئینان، لێ دیار نینه كا چه‌ند جاران ئه‌و گۆره كرینه پێ خوه و یا تا نها بهایێ وان زێده‌كرى ئه‌وه، كو د دوماهى به‌رنامه‌یێ ته‌له‌فزیۆنى دا ئه‌و گۆره د پێ مایكل جاكسۆنى بوون.
كۆمپانیێ راگه‌هاندییه، رۆژا سێشه‌مبییا بهێت دێ مه‌زادا فرۆشتنا گۆرێ ده‌ستپێ كه‌ت و بهایێ وێ ژ 100 هزار دۆلاران ده‌ستپێ دكه‌ت و چاڤه‌رێیه ب 2 ملیۆن دۆلاران بهێته فرۆشتن.
مایكل جاكسۆن ب پاشایێ پۆپا ئه‌مریكى دهێت ناڤكرن، كو ل سالا 2009ێ د ژیێ 50 سالییێ دا وه‌غه‌ركرییه.
