تەمەللی: دوورخستنا ھەڤشارەداران و دانانا قەیوومان کۆدەتایە

تەمەللی: دوورخستنا ھەڤشارەداران و دانانا قەیوومان کۆدەتایە

WAAR-دهوك:

سەزای تەمەللی د خرڤەبوونا ئامەدێ دا گۆت؛ دوورخستنا ھەڤشارەداران و دانانا قەیوومان کۆدەتایە، کەس نەشێت وان براوەستینیت.
پشتی ھێرشا ئەڤرۆ یا پۆلیسێن تورکیا ل سەر سەزای تەمەللی، ھەڤسەرۆکێ پارتییا دیمۆکراتیک یا گەلان، ھەدەپێ ب دەھان پەرلەمانتار و بەرپرسێن ھەدەپێ کو دخواستن ل ھەمبەری ئاڤاھییێ شارەدارییا مەزن یا باژارێ ئامەدێ یێ باکۆرێ کوردستانێ خرڤە ببن و کۆنگرەیەکێ رۆژنامەڤانی ژ بۆ نەرازیبوونی ل ھەمبەر دوورخستنا ھەڤشارەدارێن ئامەد، وان و مێردینێ رێکبێخن، تەمەلی د ناڤ دۆرپێچا پۆلیسان دا و ھەڤدەمی بەردەوامییا ئالۆزییێن د ناڤبەرا خرڤەبوویی و پۆلیسان دا، بۆ سازییێن راگەھاندنێ، راگەھاند: ئەڤ دەستوەردانا پۆلیسان فاشیزمە و دوورخستنا ھەڤشارەداران و دانانا قەیوومان شکاندنا ئیرادەیا خەلکی و کۆدەتایە، لێ کەس نەشێت وان براوەستینیت.
تەمەلی دیار ژی کر؛ ئەو ناچن و دێ بەردەوامییێ دەنە خوەنیشاندان و نەرازیبوونێن خوە و داخواز ژ خەلکی کر خوە ل دەنگێن خوە بکەن خودان.

بابه‌تێن ب ڤێ مژارێ ڤه‌ گرێدای