تیله‌رسۆن ل ئۆردنێ مژارێن رۆژهه‌لاتا ناڤین به‌حس كرن

تیله‌رسۆن ل ئۆردنێ مژارێن رۆژهه‌لاتا ناڤین به‌حس كرن

WAAR-دهۆك:

وه‌زیرێ ده‌رڤه‌ یێ ئه‌مریكا ل عه‌مانا پایته‌ختا ئوردنێ د گه‌ل هه‌ڤكیفێ خوه‌ یێ ئۆردنی كۆم بوو و چه‌ندین مژارێن گرێدایی رۆژهه‌لاتا ناڤین ب تایبه‌ت فه‌له‌ستینێ به‌حسكرن.
رێكس تیله‌رسۆن په‌یوه‌ندیێن هه‌ردو وه‌لاتان بۆ ئێمناهییا ده‌ڤه‌رێ و به‌رهنگاربوونا تیرۆرێ ب گرنگ زانین، رۆلێ ئۆردنێ د مژارا فه‌له‌ستینێ دا بگرنگ ل قه‌له‌م دا و گۆت: ئێكلاكرنا ره‌وشا قودسێ و سنۆرێن وێ بۆ هه‌ردو ئالیێن فه‌له‌ستینی و ئسرائیلی ڤه‌دگه‌ریت.
هه‌روه‌سا ناڤهاتی ژ ئیرانێ خواست ملیشیایێن خوه‌ ژ سووریێ ڤه‌كێشیت و دلگرانییا خوه‌ ژ ئالۆزیا د ناڤبه‌را ئسرائیل و سووریێ و ئیرانێ چێبووی دیار كر و خویا كر كو ئالۆزیێن ب وی جۆری دێ بنه‌‌ ئه‌گه‌رێ تێكدانا ره‌وشا ده‌ڤه‌رێ بگشتی.
ژ ئالیێ خوه‌ ڤه‌ وه‌زیرێ ده‌رڤه‌ یێ ئۆردنێ ژی دوپات كر، ئه‌و چاره‌سه‌رییا 2  ده‌وله‌تان ب چاره‌سه‌رییا ئێكانه‌ بۆ فه‌له‌ستین و ئسرائیلی دبینن و پێدڤییه‌ چاره‌سه‌رییا ئاشتییا سووریێ ژی ل گۆری بریارا جڤاتا ئاساییشێ نه‌ته‌وه‌یێن ئێكگرتی بیت.
ئه‌یمه‌ن سه‌فادی دیار كر: عه‌مان دێ سۆزا ئه‌مریكا گه‌ره‌نتی كه‌ت یا پێدانا ملیاره‌ك و 275 ملیۆن دۆلاران ب ئوردنێ كو بۆ چاكسازییان د فه‌رن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.