WAAR-دهۆك:
تیرۆرستێ داعشێ یێ ئەمریکی کو تورکیا دیپۆرت کرییە، د ناڤبەرا سنۆرێن تورکیا و یونانستانێ ئاسێ بوویە.
تورکیا دوهی بریارا دیپۆرتکرنا تیرۆرستەکێ داعشێ یێ هەلگرێ ناسنامەیا ئەمریکی دا و ل دەمێ دیپۆرتکرنێ، ئەو تیرۆرست ب رێیا هشکاتیێ بەر ب یونانستانێ هاتە هنارتن.
تیرۆرستێ دیپۆرتکری، تورکیا ژ سنۆرێن خوە دەرخستییە و یونانستان رازی نابیت دەبازی ئاخا وێ ببیت، لەورا نها ئەو تیرۆرست د بۆشاییەکا بچووک یا د ناڤبەرا هەردو سنۆران دایە و چ ژ هەردو وەلاتان وی قەبوول ناکەن.
تورکیا هەروەسا بریار دایە حەفت تیرۆرستێن داعشێ یێن ئەلمانی دیپۆرت بکەت و تا نها ئەلمانیا رازیبوون بۆ وەرگرتنا وان نەدایە.
