تورکیا.. ژییێ وی 104 سالن و ھێشتا کار دکەت

تورکیا.. ژییێ وی 104 سالن و ھێشتا کار دکەت

WAAR-دهۆك:

وەلاتییەکێ تورک ژیێ وی 104 سالن و تا نھا ل ناڤا زەڤییێ کارێ چاندنێ دکەت.
مستەفا بۆغاز، وەلاتییەکێ تورکە و ل باژارێ ئاکیاز یێ سەر ب پارێزگەھا سەکاریا ڤە دژیت، 7 کچ و کۆر و 70 نەڤی ھەنە و تا نھا کار ل ناڤ زەڤییا خوە دکەت.
مستەفا بۆغاز ئاشکرا دکەت؛ ھەموو کارێن رۆژانە وەکو داربرین، بۆیاغکرن و کۆمکرنا گژ و گیایی و کارێن دی یێن ناڤ زەڤییێ، دکەت، ئەگەرێ باشییا ساخلەمییا خوە ژی بۆ کارکرنێ و خوارنا ھنگڤینی و ماستی ڤەگەراند.
بۆغازی ل دۆر گرنگییا خوارنا ساخلەم و سروشتی ئاشکرا کر؛ ئەو گەلەک گرنگییێ ب خوارنا خوە ددەت و ھەموو رۆژان ھنگڤینی و بەرھەمێن سپیاتییان دخۆت و گۆت: سوپاس بۆ خوه‌دایێ مەزن کو ژییێ وی گەھشتییە 104 سالان و ھێشتا کارێن خوە دکەت و رۆژییان دگریت و نڤێژان دکەت.

 

بابه‌تێن ب ڤێ مژارێ ڤه‌ گرێدای