تورکیا دان ب مەرجێ سەرەکی یێ هەسەدێ یێ دەڤەرا ئارام دا

تورکیا دان ب مەرجێ سەرەکی یێ هەسەدێ یێ دەڤەرا ئارام دا

WAAR-دهۆك:

تورکیا دان ب مەرجێ سەرەکی یێ هەسەدێ یێ دەڤەرا ئارام دا و راگەهاند: گەر هەسەدێ خوە ڤەکێشا، دێ ئاگربەست هێتە درێژکرن.
ئیبراهیم کالن، پەیڤدارێ سەرۆکاتییا تورکیا راگەهاند: خالا ئێکێ ژ رێککەفتنا ل گەل ئەمریکا ئاگربەستە و یا دویێ ژی ڤەکێشانا هێزێن سووریایا دیمۆکراتیک، هەسەدێ ژ گرێسپی و سەرێ کانییێ یە.
گۆت ژی: گەر تا ئەڤرۆ ئێڤاری ل گەل بدوماهیهاتنا 120 سعەتێن راگەهاندی، هەسەدێ خوە ب تەمامی ڤەکێشا، دبیت دەمێ ئاگربەستێ بهێتە درێژکرن.
ئاماژەدانا کالنی ب گرێسپی و سەرێکانییێ، دانپێدانا ئێک ژ مەرجێن هەسەدێ یێن دەڤەرا ئارامە و هەڤدژی داخوازا ئەردۆگانێ سەرۆککۆمارێ تورکیا یە، یێ کو دبێژیت، درێژییا دەڤەرا ئارام پتری 400 کیلۆمەترانە و دگەهیتە سنۆرێ ل گەل هەرێما کوردستانێ.

بابه‌تێن ب ڤێ مژارێ ڤه‌ گرێدای