توركیا دێ سیسته‌مێ ئێس 400 ل سه‌ر سنۆرێ سووریا دانیت

توركیا دێ سیسته‌مێ ئێس 400 ل سه‌ر سنۆرێ سووریا دانیت

WAAR-دهۆك:

رۆژنامه‌كا توركی جهه‌كێ دانانا سیسته‌مێ ئێس چوارسه‌دێ ئاشكه‌را كر و ل گۆره‌ی زانیارییێن وێ، سیسته‌مه‌كی ل سه‌ر سنۆرێ سووریا دانیت.
رۆژنامه‌یا ملی گازێت یا توركی د نووچه‌كێ خوه‌ دا ئاشكه‌را كر: سه‌ركرداتییا سوپای خواندن بۆ ده‌ستنیشانكرنا جهێن دانانا سیسته‌مێ به‌رگرییا ئه‌سمانی یێ ئێس چوارسه‌دێ كرییه‌ و بریاردایه‌ ئێك ژ وان ل باژارێ شانلی ئۆرفایێ یێ به‌رانبه‌ر باژارێ ره‌قه‌ یێ سووری بدانیت.
رۆژنامه‌یێ دا زانین ژی: سوپای پلان هه‌یه‌ سیسته‌مه‌كێ دی ل پارێزگه‌ها مێرسین یا ل سه‌ر ده‌ریا ناڤه‌راست یان پارێزگه‌ها هاتای بدانیت.
به‌ری نها سه‌رۆكێ توركیا ره‌جه‌ب ته‌یب ئه‌ردۆگانی ده‌رباره‌ی ده‌ستنیشانكرنا جهێ دانانا وی سیسته‌می رۆسی یێ به‌رگرییێ گۆتبوو: ئه‌و بریاره‌ د ده‌ستێ وه‌زاره‌تا به‌رگرییێ و سه‌رۆكاتییا ئه‌ركانی دا یه‌، ئه‌و دێ جهی ده‌ستنیشان كه‌ن.

بابه‌تێن ب ڤێ مژارێ ڤه‌ گرێدای