ته‌كتیكا مژوولكرنێ..

كارزان فه‌قى

بنپێكارێن ده‌ستورى هه‌موو هه‌ڤسه‌نگیێن ئیراقێ به‌روڤاژى كر، نه‌ ب تنێ ل سه‌ رده‌مێ عه‌بادى به‌لكو پتریا ئه‌و بنپێكارێن ده‌ستورى به‌رى حه‌یدهر‌ عه‌بادى هاتینه‌كرن و د سالێن بۆرى ژى ده‌سته‌لاتدارێ ئیراقێ ل پشتى حوكمرانیا مالكى به‌رده‌وامى ب وان بنپێكارییان دا، ڤێ یه‌كێ كورد نه‌چار ده‌ست ژ بۆ هه‌رتشته‌كى ببه‌ن و رێفراندۆم و روودانێن شازدى ئكتۆبه‌رێ ژى ل دووڤ دا هاتن، ئیدى هه‌موو په‌یوه‌ندیێن هه‌ولێر و به‌غدا گه‌هشتنه‌ خرابترین ئاست، بزاڤێن حكومه‌تا هه‌رێمێ كوردستانێ بۆ چاره‌كرنا ئاریشه‌یێن ناڤبه‌ر‌ا هه‌ردوو ئالیێن به‌رده‌وام و ب ڤێ یه‌كێ ژى نێچیرڤان بارزانى سه‌رۆكێ جڤاتا وه‌زیرێن هه‌رێمێ شییا كۆده‌نگییه‌كا‌ ناڤده‌وله‌تى دناڤ وه‌لاتێن زلهێزێن جیهانێ درووست و بكه‌ت و وێ كۆده‌نگیێ بكه‌ته‌ كارته‌كا فشارێ كو به‌غدا ده‌ست ب دانوستاندنان ل گه‌ل هه‌ولێرێ بكه‌ت و ئاریشه‌یێن هه‌ردوو ئالییان ب رێكا ده‌ستورى بهێنه‌ چاره‌كرن، ئیدى ئه‌م د هه‌موو گوتارێن حه‌یده‌ر عه‌بادى گوتنێن چاره‌كرنا ئاریشه‌یان ب رێیا ده‌ستورى هاى ژی دبین، لێ د پراكتیك دا هییچ نیه‌ت و پێنگاڤێن چاره‌كرنێ ناهێته‌ دیتن، كه‌واته‌ عه‌بادى دخوازیت هه‌م ل هه‌مبه‌ر گڤاشتنێن وه‌لاتێن جیهانێ و هه‌م ل گه‌ل خه‌لكێ كوردستانێ ژى ته‌كتیكه‌كێ بكاربینت، لێ ره‌نگه‌ ئه‌و ته‌كتیكا عه‌بادى سه‌رێ كورسیكا وى بخۆت چونكى دوو مه‌هـ پترن ل سه‌ر سۆز و گۆتنێ عه‌بادى ده‌رباز دبن و هێشتا نه‌ خه‌لكێ كوردستانێ و نه‌ وه‌لاتێن داخوازكه‌رێن دانوستاندنان هیچ ئاماژه‌یێن چاره‌كرنێ نابینن، كه‌واته‌ نها بۆ هه‌موو ئالییه‌كێ دیاره‌ عه‌بادى دخوازیت گڤاشتنا ل سه‌ر خوه‌ بكێم بكه‌ت، ئه‌و ژى ب كوشتنا ده‌مى و پێكئینانا لژنه‌یێن بێ ده‌سته‌لات كو نه‌ بتنێ مافێ وێ یه‌كێ نینه‌ ب ئه‌نجامه‌كێ ڤه‌گه‌رن به‌غدایێ، به‌لكو ئه‌و رۆلێ ب وان هاتییه‌ دان ئه‌وه‌ خوه‌ ب ئه‌ركێ وردبینییا ناڤێن موچه‌خورێن هه‌رێمێ هه‌تا مه‌ها گولانێ مژوول كه‌ن ژبۆى ده‌نگێ نه‌رازى ل به‌غدایێ دژى حه‌یده‌ر عه‌بادى سه‌رۆكێ حكومه‌تا ئیراقێ بلند نه‌بیت و كاریگه‌ریێن خراب ژ بۆ هه‌لژاردنێن بهێت ل سه‌ر هه‌ڤپه‌یمانیا وى نه‌كه‌ت، ئه‌و ده‌لیڤه‌یا ل هه‌مبه‌ر عه‌بادى ماى كو ده‌سته‌لاتا جڤاتا وه‌زیرێن ئیراقێ ژ بۆ چار سالێن بهێت مسۆگه‌ر بكه‌ت ئه‌وه‌ ل رۆژێن بهێت نێچیرڤان بارزانى سه‌رۆكێ حكومه‌تا هه‌رێمێ ره‌نگه‌ سه‌ره‌دانه‌كا ئێكلاكه‌ر ژ بۆ به‌غدایێ بكه‌ت و د روونشتنێن ل گه‌ل به‌رپرسێن ئیراقێ باس ل رێكه‌فتنێ ئێكجاره‌كى بهێنه‌ كرن، ئه‌گه‌ر عه‌بادى ب هه‌مان نییه‌تا به‌رى نها بچیته‌ هۆلا كۆمبوونا و مه‌ره‌‌مێن رازیكرن ب گۆتنان هه‌بیت و پێنگاڤێن چاره‌كرنا وه‌كى نها لاواز بن، ئیدى كورد نه‌چاربن كار ژبۆ حكومه‌تا دلنیاكه‌ر ژ بۆ چار سالێن بهێت بكه‌ت، بێگومان ئه‌و حكومه‌ت و هه‌ڤپه‌یمانه‌ ژى حه‌یده‌ر عه‌بادى نابیت و ره‌نگه‌ سیاسیێن دژى عه‌بادى بن، كه‌واته‌ كورد باش دلنیا بوویه‌ ده‌ستورێ ئیراقێ ب عه‌بادى ناهێته‌ ب جهـئینان، لێ چوونا شاندێن هه‌رێمێ ب سه‌رۆكاتییا سه‌رۆكێ حكومه‌تا هه‌رێمێ بۆ هندێ یه‌ كو هیچ به‌هانه‌یان نه‌ده‌نه‌ به‌غدایێ كو ژبۆى هه‌ولێر پێ بهێته‌ تاوانبار كرن، حكومه‌تا هه‌رێمێ دێ بۆ قۆناغا بهێت بزاڤان كه‌ت و چاره‌نڤێسا خه‌لكێ كوردستانێ بۆ چارسالێن بهێت جاردن ناده‌ته‌ڤه‌ ده‌ستێ سیاسیێن عه‌ره‌ب یێ وه‌كو نها..

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.