ترامپ و ئەردۆغان رەوشا سووریێ باس کر

ترامپ و ئەردۆغان رەوشا سووریێ باس کر

WAAR-دهۆك:

سەرۆکێ ئەمریکا و سەرۆککۆمارێ تورکیا د پەیوەندیەکا تێلەفۆنی دا رەوشا باکۆرێ رۆژھەلاتێ سووریێ و شەرێ دژی داعشێ باس کر.
دۆنالد ترامپ شڤێدی راگەھاند؛ رەجەب تەیب ئەردۆغان د وێ پەیوەندیا تێلەفۆنی دا ئەو ھایدار کر کو ھێزێن تورکی پشتی ئۆپەراسیۆنا ئەمریکا یا ئدلبێ، ھژمارەکا تیرۆرستێن داعشێ گرتینە و د ناڤا وان دا ھەڤژین و خویشکا ئەبوبەکر بەغدادی، خەلفیەیێ داعشێ نە.
ھەروەھا گۆت : وان رەوشا سنۆرێن ھەڤپشک د ناڤبەرا تورکیا و سووریێ دا باس کر، ھەروەھا شەرێ دژی تیرۆرێ و راگرتنا شەرێ دژی کوردان و چەندین بابەتێن دی باس کرن.
ترامپی دوپات ژی کر کو ئەردۆغان ل رۆژا سێزدێ ڤێ مەھی دێ سەرەدانا ئەمریکا کەت و ل کۆچکا سپی دێ ب بەرفرەھی باس ل وان بابەتان کەن.

بابه‌تێن ب ڤێ مژارێ ڤه‌ گرێدای