ترامپ: دڤێت ژاپۆن به‌رهه‌مێن چاندنێ یێن ئه‌مریكی بكریت

ترامپ: دڤێت ژاپۆن به‌رهه‌مێن چاندنێ یێن ئه‌مریكی بكریت

WAAR-دھۆك:

ترامپی خواست ژاپۆن به‌رهه‌مێن چاندنێ یێن ئه‌مریكی بكریت و تۆكیۆ دێ خواندنێ بۆ وێ داخوازییێ كه‌ت.
ئاژانسا ”كيۆدۆ“ یا ژاپۆنی د نووچه‌كێ خوه‌ دا ئاشكه‌را كرییه‌: سه‌رۆكێ ئه‌مریكا دۆنالد ترامپی بریارا چینێ یا قه‌ده‌غه‌كرنا هاورده‌كرنا به‌رهه‌مێن چاندنێ یێن ئه‌مریكی ل گه‌ل سه‌رۆكێ وه‌زیرێن ژاپۆنێ شینزۆ ئابێ باس كرییه‌ و ژێ خواستییه‌ ژاپۆن پێش چینێ ڤه‌ وان به‌رهه‌مێن چاندنێ بكریت.
ئاژانسێ ژ به‌رپرسه‌كێ حكوومه‌تا ئابێ ڤه‌گۆهاستییه‌، نابێ چ بریار نه‌داینه‌ ترامپی و دێ د كۆمبوونا حكوومه‌تا خوه‌ دا خواندنێ بۆ وێ داخوازییێ كه‌ت.
ده‌ستپێكا ڤێ مه‌هێ ترامپی بریار دابوو باجه‌كا نوو ب كۆژمێ سێسه‌د ملیار دۆلاران بدانیته‌ ل سه‌ر كه‌لوپه‌لێن چینی و چینێ ژی بریار دا هاورده‌كرنا به‌رهه‌مێن چاندنێ یێن ئه‌مریكی قه‌ده‌غه‌ بكه‌ت، كو سالانه‌ دگه‌هیته‌ یازده‌ ملیار دۆلاران.

بابه‌تێن ب ڤێ مژارێ ڤه‌ گرێدای