ترامپ: تێکلییێن ئەمریکا و ئیتالیا ڤەدگەرن سەردەما رۆمانی

ترامپ: تێکلییێن ئەمریکا و ئیتالیا ڤەدگەرن سەردەما رۆمانی

WAAR-دهۆك:

سەرۆکێ ئەمریکا د داخویانییەکا دی یا سەیرا دا دیار کر کو تێکلییێن ئەمریکا و ئیتالیا ڤەدگەرن سەردەما رۆمانی.
دۆنالد ترامپ، سەرۆکێ ویلایەتێن ئێکگرتی یێن ئەمریکا د ھەڤدیتنا د گەل سێرگیۆ ماتاریلا، سەرۆکێ ئیتالیا، راگەھاند: پاشخانەیەکا کولتووری و سیاسی یا ھەڤپشک ویلایەتێن ئێکگرتی یێن ئەمریکا و ئیتالیا پێکڤە گرێ ددەن کو دیرۆکا وان تێکلییان بۆ ب ھزاران سالان ڤەدگەرن، ئانکو ڤەدگەرن رۆمایا کەڤن.
ئەڤە د دەمەکی دا یە، ئەمریکا ل سالا ١٧٧٦ێ ھاتییە راگەھاندن و ئیمپراتۆرییا رۆما یا کەڤن ل چەرخێ پێنجێ زایینی ھەلوەشیایە.
داخویانییێن داوییێ یێن ترامپی یێن دیرۆکی، چاڤدێر مەندەھۆش کرینە کو بەری نھا د داخویانییەکا دی ژی دا ژ بۆ ئینانا بەھانەیێ بۆ دەستبەردانێ ژ کوردێن رۆژئاڤایێ کوردستانێ و ڤەکێشانا ھێزێن ئەمریکا و رێدانێ ب ھێرشا تورکیا، گۆتبوو: کوردان د شەرێ جیھانی یێ دویێ و شەرێ نۆرماندی دا، ھاریکارییا ئەمریکا نەکرییە.

بابه‌تێن ب ڤێ مژارێ ڤه‌ گرێدای