ترامپی داخواز ژ کۆمپانیا ئەپل کر ژ چینێ دەرکەڤیت

ترامپی داخواز ژ کۆمپانیا ئەپل کر ژ چینێ دەرکەڤیت

WAAR-دهوك:

سەرۆکێ ئەمریکا داخواز ژ کۆمپانیا ئەپل کر ب زووترین دەم ژ چینێ دەرکەڤیت.
دۆنالد ترامپ شڤێدی د کۆمبوونه‌كێ دا د گەل کلاوس جۆھانس، سەرۆکێ رۆمانیا ل کۆچکا سپی باس ل شەرێ بازرگانی یێ د ناڤبەرا واشنتۆن و پەکینێ دا کر و گۆت: گەر ئەو ھاریکاریا کۆمپانیێن مەزن یێن ئەمریکی نەکەت ، دێ رووبرووی کێشەیێن مەزن بن و داخواز ژكۆمپانیا ئه‌پل ژى کر ژ بەر سزایێن گومرکی ب زووترین دەم ژ چینێ دەرکەڤیت.
ئەمریکا پێشتر د چارچووڤێ سزایێن گومرکی دا ل سەر چینێ سزا داناینە سەر کۆمپانیا ھواوی یا چینی و شروڤەکارێن ئابۆری یێن چینێ ژی پێشبینی دکەن، زیانێن مه‌زن بگه‌هنه‌ کۆمپانیا ئەپل یا ئەمریکی ژ بەر زێدەبوونا باجا گومرکی و بھایێ بەرھەمێن وێ کۆمپانیێ دێ بیست ژ سەدێ بلند بن.

بابه‌تێن ب ڤێ مژارێ ڤه‌ گرێدای