ترامپی داخواز ژ سەقاناسییا وەلاتێ خوە کرییە پێشبینیێن سەقایی بگھورن

ترامپی داخواز ژ سەقاناسییا وەلاتێ خوە کرییە پێشبینیێن سەقایی بگھورن

WAAR-دهۆك:

سەرۆکێ ئەمریکا داخواز ژ شارەزایێن سەقاناسیێ ل وەلاتێ خوە کرییە پێشبینیێن سەقایی بگھورن، داکو لگەل داخویانیێن وی بگونجن.
رۆژنامەیا نیۆیۆرک تایمز بەلاڤکر: دونالد ترامپی داخواز ژ ھاریکارێن خوە کرییە فشاران بێخنە سەر سازییا راگەھاندنا پێشبینیێن سەقایێ ئەمریکا، داکو وان پێشبینییان بەلاڤ بکەن ئەوێن لگەل داخویانیێن وی دگونجن.
دیار ژی کر: شارەزایێن سەقاناسیێ لبن گەفا ژکار لادانێ ل سەر داخوازییا وی رازیبووینە کو باھۆزا دۆریان دێ گەھیتە ویلایەتا ئالاباما ژ بەرکو پێشتر ترامپی ئەو چەندە راگەھاندبوو.
رۆژنامەیێ بەلاڤ ژی کر: ویلبەر رۆس وەزیرێ بازرگانیێ گەفێن ژکارلادانا رێڤەبەرێ لێکۆلینێن زەریا و بەرگێ ئەسمانی کرییە تا پێشبینیێن گونجایی لگەل داخوایانیێن ترامپی بەلاڤ بکەن.
ترامپی ل دوماھییا حەفتیا بۆری د تویتەکێ دا راگەھاندبوو کو باھۆزا دۆریان دێ گەھیتە ویلایەتا ئالاباما، لێ پشتی بیست خۆلەکان دەستەیا نشتیمانی یا سەقایی ئەو چەندە ب نەوەیی دەرخستبوو.

بابه‌تێن ب ڤێ مژارێ ڤه‌ گرێدای