تاخا ئەردۆغانی دەنگ دایە ئیمامئۆ‌غلویی

تاخا ئەردۆغانی دەنگ دایە ئیمامئۆ‌غلویی

WAAR-دهۆك:

ل گۆری ئاگاھییان، تاخا ئەردۆغانی کو ب تاخەکا ئاکەپەیی یا ستەنبۆلێ ناڤدارە، د ھەلبژارتنێن 23ی مەھێ دا دەنگ دایە بەربژارێ جه‌هه‌پێ
رۆژانە سوپرایزێن نوو ژ ھەلبژارتنێن شارەدارییا مەزن یا ستەنبۆلێ دیار دبن و د نووترین نووچە دا کو مەدیایا تورکیا ب خوە ڤە مژوول کرییە، دەنگدانا خەلکێ تاخا بەرێ یا رەجەب تەیب ئەردۆغان، سەرۆککۆمارێ تورکیا یە ب بەربژارێ پارتییا گەل یا کۆماری، ئەکرەم ئیمامئۆغلویی کو 54.1% یا دەنگان برینە و ل ھەمبەر بینالی یلدرم، بەربژارێ پارتییا داد و گەشەپێدانێ، ئاکەپێ یا ئەردۆ‌غانی، 44.8% یا دەنگان برینە.
تاخا ئۆسکۆدار ئێک ژ کەڤنترین تاخێن ستەنبۆلێ یە کو ئەردۆغانی تەمەنێ خوە تێدا دەرباز کرییە و ب تاخەکا خەلکێ پارێزەر و ئۆلدار و ئالیگرێن ئاکەپێ دھێت نیاسین و پشتی دامەزراندنا ئاکەپێ، د ھەموو ھەلبژاتنان دا دەنگ دایە وێ پارتییێ.

بابه‌تێن ب ڤێ مژارێ ڤه‌ گرێدای