میرێ كوێتێ لگه‌ل هه‌رسێ سه‌رۆكاتیێن ئیراقێ كۆمبوو

میرێ كوێتێ لگه‌ل هه‌رسێ سه‌رۆكاتیێن ئیراقێ كۆمبوو

WAAR-دهۆك:

میرێ کوێتێ ئەڤرۆ د گەل شاندەکا بلند یا حکومەتێ دا سەرەدانا بەغدا کر و ل گەل هه‌ر سێ سه‌رۆكاتیێن ئیراقێ كۆمبوو.
شێخ سەباح ئەحمەد سەباح، میرێ کوێتێ ئەڤرۆ ب سەرەدانەکا فەرمی گەھشتە بەغدا و لگەل سەرۆککۆمار، سه‌رۆكوه‌زیر و سه‌رۆكێ جڤاتا نوونه‌رێن ئیراقێ كۆمبوو و د كۆمبوونێن خوه‌ دا دووپاتی ل پێشدابرنا په‌یوه‌ندیێن كوێتێ و به‌غدا كر .
ژ ئالیێ خوه‌ڤه‌ نڤیسینگه‌ها سه‌رۆكوه‌زیرێن ئیراقێ به‌لاڤكر: د كۆمبوونا میرێ كوێتێ و عه‌بدولمه‌هدی دا باس ل رەوشا دەڤەرێ و بەرفرەھکرنا پەیوەندیێن بازرگانی و وەبەرھێنانێ و پاراستنا سنووران کر.
ل گۆرەی نووچەیەکێ رۆژنامەیا وەتەن یا کوێتی، جێگرێ سەرۆکێ وەزیران و وەزیرێن دەرڤە و ناڤخوە و دارایی و بازرگانی و ھەژمارەکا وەزیرێن دی یێن حکومەتێ د گەل میرێ کوێتێ دا نە.
سەرەدانا میرێ کوێتێ د وی دەمی دا یە کو رەوشا دەڤەرا کەنداڤێ ژ بەر ئالۆزییێن ئەمریکا و ئیرانێ تێکچوویە، ئیراق ژی بزاڤان دکەت ب رێیا وەلاتێن دەڤەرێ رەوشێ ئارام بکەت.

بابه‌تێن ب ڤێ مژارێ ڤه‌ گرێدای