بۆلیڤیا.. ھه‌ژمارا کوشتییان گەھشتە 23 کەسان

بۆلیڤیا.. ھه‌ژمارا کوشتییان گەھشتە 23 کەسان

WAAR-دهۆك:

ھژمارا کوشتیێن خوەنیشاندانێن بۆلیڤیا گەھشتە 23 کەسان و نەتەوەیێن ئێکگرتی ھوشداری دان.
لژنا ھەڤپشک یا وەلاتێن ئەمریکا باشۆر یا مافێن مرۆڤی راگەھاند؛ د 24 ساتێن بوری دا ژ ئەگەرا شەروئالۆزیێن د ناڤبەرا ھێزێن ئەمنی و خوەنیشاندەران دا ل بۆلیڤیا، 9 کەس ھاتینە کوشتن و ھژمارا برینداران ژی گەھشتیە 715 کەسان و بڤێ یەکێ، ھژمارا گشتی یا کوشتیان گەھشتە 23 کەسان.
ژ ئالیێ خوە ڤە ژی نەتەوەیێن ئێکگرتی ھوشداری ژ تێکچوونا رەوشا وی وەلاتی دان تایبەت پشتی دوھی شەروئالۆزی د ناڤبەرا ھێزێن ئەمنی و ئالیگریێن سەرۆکێ دەستژکارکێشایی دا چێبوون و راگەھاند؛ رەوشا وی وەلاتی دێ ژ بن کونترۆلێ دەرکەڤیت.
مۆرالیس پشتی 20 رۆژێن خوەنیشاندانان و فشارێن سوپایی، ل رۆژا 10ێ ڤێ مەھێ دەست ژ پۆستێ سەرۆکاتیا بۆلیڤیا بەردان و پاشان ب فرۆکەکا تایبەت رەڤی مەکسیکێ.

بابه‌تێن ب ڤێ مژارێ ڤه‌ گرێدای