بلۆمبێرگ.. ترامپ پشتەڤانێ ئۆپەراسیۆنا حەفتەری یە

بلۆمبێرگ.. ترامپ پشتەڤانێ ئۆپەراسیۆنا حەفتەری یە

WAAR-دهۆك:

ئاژانسەکا نووچەیان یا ئەمریکی راگەھاند؛ سەرۆکێ ئەمریکا د شەرێ تەرابلوسێ دا پشتەڤانێ سوپایێ نشتیمانی یێ لیبی یە.
ئاژانسا بلۆمبێرگ یا ئەمریکی ژ زارێ سێ بەرپرسێن ئیدارەیا وەلاتێ خوە کو نە خواستییە ناڤێ خوە ئاشکرا بکەن بەلاڤکریە، دونالد ترامپ پشتەڤانێ ئۆپەراسیۆنا خەلیفە حەفتەر فەرماندارێ سوپایی نشتیمانی یێ لیبی یە ، یا کو ل چارێ ڤێ مەھێ بۆ کۆنترۆلکرنا تەرابلوسێ دەستپێکری.
ئاژانسێ دیار ژی کریە، ل پازدەی ڤێ مەھێ ترامپی د پەیوەندییەکا تێلەفۆنی دا پشتەڤانییا خوە بۆ حەفتەری دیار کریە.
ھەروەھا دایە زانین ژی، جۆن بۆلتۆن شیرەتکارێ جڤاتا نشتیمانی یا ئەمریکا ژی بەری نۆکە د پەیوەندییەکا تێلەفۆنی دا گلۆپا کەسک بۆ دەستپێکرنا ئۆپەراسیۆنێ بۆ حەفتەری ھەلکربوو.

بابه‌تێن ب ڤێ مژارێ ڤه‌ گرێدای