بكوژێ ره‌حیم زه‌بیحی هات گرتن

بكوژێ ره‌حیم زه‌بیحی هات گرتن

WAAR-دهۆك:

ده‌ڤه‌ردارێ بانه‌ راگه‌هاند: بكوژێ ره‌حیم و كه‌یوان زه‌بیحی هاته‌ ده‌سته‌سه‌ركرن و دانپێدان ب تاوانا خوه‌ كر.
محه‌مه‌د فه‌لاحی، بۆ مه‌دیایان راگه‌هاند: ب شیانێن هێزێن پۆلیسان و هاریكارییا رێڤه‌به‌رییا داد، بكوژێ ره‌حیم و كه‌یوان زه‌بیحی هات گرتن و د لێكۆلینان دا، دانپێدان ب تاوانا خوه‌ كر، لێ ئاماژه‌ ب ناڤێ تاوانباری نەهاتە دان.
ل ئێڤارییا رۆژا ئه‌ینی یا بووری د روودانه‌كا گۆماناوی یا ترافیكی دا ل گونده‌كێ بانه‌ هه‌ردو برا، ره‌حیم و كه‌یوان زه‌بیحی ژیانا خوه‌ ژ ده‌ست دا و پشتی لێكۆلینان دیاربوویه‌، كو روودانه‌كا ب مەرەم بوو.
ل گۆرەی ئاگەهییان دێ ئه‌ڤرۆ ته‌رمێن هه‌ردو برا ل پشكا هونه‌رمه‌ندان یا گورستانا سلێمان به‌گ یا بانه‌ هێنه‌ ڤه‌شارتن.
ره‌حیم زه‌بیحی، ده‌رهێنه‌ره‌كێ ناڤدار یێ رۆژهه‌لاتێ كوردستانێ بوو و ل سالا 1971ێ ل بانه‌ ژ دایك بوویه‌ و خوەدان چه‌ندین كورته‌ فلم‌ و گه‌له‌ك خه‌لاتێن ناڤخوه‌ و نێجدەولەتی یە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.