بریتانیا: ئیران دێ باجه‌یا گاڤێن خوه‌ یێن نه‌قانوونی ده‌ت

بریتانیا: ئیران دێ باجه‌یا گاڤێن خوه‌ یێن نه‌قانوونی ده‌ت

WAAR-دهۆك:

وه‌زیرێ ده‌رڤه‌ یێ بریتانیا هۆشداری ژبه‌ر كه‌شتییا وه‌لاتێ خوه‌ دانه‌ ئیرانێ و راگه‌هاند ژی: ئه‌و دێ هه‌بوونا خوه‌ یا سه‌ربازی ل كه‌نداڤی زێده‌ كه‌ن.
وه‌زیرێ ده‌رڤه‌ یێ بریتانیا جێرێمی هانتی د روونشتنا په‌رله‌مانێ وه‌لاتێ خوه‌ دا گۆتاره‌ك ده‌رباره‌ی ئالۆزییێن ل گه‌ل ئیرانێ خواند و تێدا گۆت: ده‌ستبسه‌رداگرتنا ئیرانێ ل سه‌ر كه‌شتییا بریتانی گاڤه‌كا نه‌قانوونی یه‌ و ته‌هران دێ باجه‌یا وێ ده‌ت، له‌نده‌ن دێ به‌رانبه‌ر ره‌فتارێن وێ هه‌بوونا خوه‌ یا سه‌ربازی ل كه‌نداڤی زێده‌ كه‌ت.
خۆیا ژی كر: له‌نده‌ن دخوازیت ئازادییا گه‌شتكرنێ ل ته‌نگه‌یا هۆرمزی یا پاراستی بیت و وێ پلانه‌ك بۆ پێكئینانا هێزه‌كا ده‌ریایی یا ئه‌ورۆپی هه‌یه‌.
هانتی د به‌رده‌وامییا ئاخفتنا خوه‌ دا به‌حسا میلیشیاتا حزبوللا یا لوبنانی ژی كر و خواست حكوومه‌ت وێ بكه‌ته‌ د لیستا‌ تیرۆرێ دا.

بابه‌تێن ب ڤێ مژارێ ڤه‌ گرێدای