بریاره‌كا ئیراقێ 18ملیۆن مریشكێن توركی ژناڤبرن

بریاره‌كا ئیراقێ 18ملیۆن مریشكێن توركی ژناڤبرن

WAAR-دهۆك:

بریارا ئیراقێ یا قه‌ده‌غه‌كرنا هێكێن توركی بوو سه‌ده‌م كو هه‌ژده‌ ملیۆن مریشك ل توركیا ژناڤ بچن و هه‌شت به‌رهه‌مهێنه‌رێن مریشكان ئیفلاسبوون.
لگۆره‌ی رۆژنامه‌یا زه‌مان یا توركی، بریارا ئیراقێ یا راگرتنا هاورده‌كرنا هێكێن توركی، قه‌یرانه‌كا ئێكجار مه‌زن بۆ وه‌به‌رهێنه‌رێن هێكان ل توركیا دروستكرییه‌ و ب جۆره‌كێ كو هه‌ژده‌ ملیۆن مریشك ژناڤچووینه‌ و هه‌شت به‌رهه‌مهێنه‌رێن وان ژی ئیفلاسبوونا خوه‌ راگه‌هاند.
رۆژنامه‌یێ ئاشكه‌را ژی كر: د بیست رۆژێن بۆری دا ژ به‌ركو به‌رهه‌مێنه‌رێن هێكان نه‌شیاینه‌ ئالیكی بۆ مریشكان دابین بكه‌ن، له‌ورا ئه‌و ژماره‌یا مریشكان ژناڤچووینه‌.
ئه‌ڤه‌ د ده‌مه‌كی دایه‌ ژ ده‌ستپێكا ڤێ مه‌هێ، ده‌ستهه‌لاتدارێن ئیراقێ هاورده‌كرنا هێكێن توركی قه‌ده‌غه‌كر د ئه‌نجام دا به‌رهه‌مهێنه‌رێن هێكا ل توركیا ب نه‌چاری به‌رهه‌مێن خوه‌ بۆ ناڤا بازارێن توركیا بهنێرین و ژ به‌ر وێ یه‌كێ بهایێن هێكان د بازارێن توركیا داكه‌فتنه‌كا مه‌زن بخوه‌ڤه‌ دیتیه‌.

بابه‌تێن ب ڤێ مژارێ ڤه‌ گرێدای