بریاردەرێن نەتەوەیێن ئێکگرتی دێ سەرەدانا باکۆرێ کوردستانێ کەن

بریاردەرێن نەتەوەیێن ئێکگرتی دێ سەرەدانا باکۆرێ کوردستانێ کەن

WAAR-دهۆك:

ل دەما بھێت دێ بریاردەرێن نەتەوەیێن ئێکگرتی و شاندێن چەندین رێکخستنێن جیھانی ژ بەر پرسا دوورخستنا ھەڤشارەدارێن کورد، سەرەدانا باکۆرێ کوردستانێ کەن.
ژێدەرێن نووچەیان یێن باکۆرێ کوردستانێ و تورکیا دیار کر؛ پەیاما لژنەیا تێکلییێن دەرڤە یا پارتییا دیمۆکراتیک یا گەلان، ھەدەپێ ل دۆر دوورخستنا ھەڤشارەدارێن کورد و دانانا قەیوومان ل شوونا وان، بۆ نەتەوەیێن ئێکگرتی و ئێکەتییا ئەورۆپا و رێکخستنێن مافێن مرۆڤی یێن جیھانی و جڤاکا سڤیل ھنارتی، کارڤەدانێن پۆزەتیڤ ھەبوون و نەتەوەیێن ئێکگرتی بریار دایە ل مەھا چرییا ئێکێ بریاردەران ژ بۆ دیڤچوونا وێ پرسێ بھنێریت باژارێن ئامەد، وان و مێردینێ یێن باکۆرێ کوردستانێ.
ھەروەسا ھات زانین ھەر د ھەمان چارچووڤەیێ دا دێ شاندەکا چەندین سازی و رێکخستنێن نێڤدەولەتی د رۆژێن بھێن دا سەرەدانا باکۆرێ کوردستانێ کەت و راپۆرتەکێ ل دۆر وێ پرسێ د روونشتنا دادگەھا مافێن مرۆڤی یا ئەورۆپا یا تایبەت ب دەمیرتاشی ڤە ل ھەژدەیی ڤێ مەھێ، پێشکێشی وێ دادگەھێ کەت.

بابه‌تێن ب ڤێ مژارێ ڤه‌ گرێدای