بریارا مەزن

کاژین نزار

ب رێڤەبرنا بلندترین پوستێ هەرێما کوردستانێ، کو پوسێ سەروکاتیا هەرێمێ یە ژلایێ دیبلوماتکار و سیاسەتمەڤان نێچیرڤان بارزانی، کو بەریا چەند روژان ژلایێ پارتی دیموکراتی کوردستانڤە وەکو بەربژارێ سەرەکی ژبۆ وەگرتنا ڤی پوستی هاتی هەلبژارتن. پشتی کارکرنا دوازدە سالان ژپوستێ سەروکاتیا هەرێمێ، سەروک مەسعود بارزانی خوەدیێ ئەو هەمی خزمەت و قوربانی دانا مەزن ژبۆ گەلێ کورد، و بهەمی شیان کو دەنگ و ئازارێت مللەتێ کورد بگەهینت هەموو جیهانێ، و پێکولکرن ژبو کوردستانەک سەربەخۆ. لێ پشی خیانەتا ١٦ئوکتوبەرێ و ب دوماهیک هاتنا ماوێ وی یێ سەروکاتی، مەسعود بارزانی دەست ژکارکێشانا خوە ژڤی پوستی راگەهاند و پشی ڤێ یەکێ هژمارەکا زوورا خەلکێ کوردستانێ دلگرانی و خەمگینیا خوە ژڤێ یەکێ نیشاندان، و داخوازکرن دووبارە بارزانی ڤەگەرت پوستێ خوە، بەلێ سەروک بارزانی سوربوو لسەر دەست ژکارکێشانا خوە چونکی ماوێ وی یێ یاسای ژبو ڤی پوستی ب دوماهیک هات، ودیسان ب باوەربوو کو دێ شێن کەسەک خودان شیان ژبو ڤی پوستی هەلبژێرن. لێ بۆ ماوەیەکێ پارتی نیشانا پرسیارێ ل دویڤ خوە هێلات، و گەرما ئەڤی بابەتی و مەیدانا پرسیارکرنا بەردەوام ژلایێ خەلکێ کوردستانێ و عێراقێ گشتی، ئایا پارتی دێ کێ ژهەژی ڤی پستی بینت و پاراستنا کوردستانەکا بهێزتر رادەستی کێ کەت؟ پشتی بورینا ماوەیەکێ ژڤالابوونا پوستێ سەروکاتیا هەرێمێ ئێدی پارتی بەربژارێ خوە ئاشکەراکر، و بریارا دەست نیشانکرنا نێچیرڤان بارزانی وەکو بەربژارێ سەرەکی ژبۆ وەرگرتنا ئەڤی پوستی دان. نێچیرڤان بارزانی کو پێشتر دسەروکاتیا جڤاتا وەزیران خودان پەیوەندیێن دبلوماسیێن باش و بهێز بوویە لسەر ئاستێ ناڤخوە و ناڤدەولەتی، ودیسان کەسەکێ قبولکریە لسەر ئاستێ ناڤخوەی و دەرڤە لەوما پارتی دوێ باوەرێ دایە کو دێ بیتە ئەگەرێ دروستبوونا (کوردستانەکا بهێز) کو دروشمێ پارتی یە. دیسان ل ژێر سەروکاتیا نێچیرڤان بارزانی حکوومەتا هەرێما کوردستانێ سیمایێ حکوومەتەکا دیموکرات، مەدەنی و فرە حسبی وەرگرت. نێچیرڤان بارزانی ل پلا ئێکێ دهێت ژبۆ گرنگیدان ب پێشڤەچوونا مروڤان، و پاراستنا مافێ ژنان، و گەشەپێدانا پێشەسازی، پێشخستنا دامودەزگەهێت حکوومەتێ و گرنگیدان ب بوارێ پەروەردێ، ئەڤە هەمی ژی دبت جهێ دلخوەشیا خەلکێ کوردستانێ و ببن پشتەڤانێن مەزن کو نێچیرڤان بارزانی ڤی پوستی ب دەستڤە بینت، دیسان ژبەرکو نێچیرڤان بارزانی هەماهنگی و هەڤالینیەکا باش دگەل سەرکردە و سەروکێن وەلاتێن زلهێزێن جیهانێ هەیە، ئەڤەژی دبت ئەگەرێ پاراستن و بهێزکرنا کوردستانێ لهەمبەر هەر گەڤەکێ، کو بەردەوام نێچیرڤان بارزانی رێگربوویە هەر وەکی مە پشتی ١٦ئوکتوبەرێ دیتی. پرسیارێن زوور دهێنەکرن، ئایا پشتی نێچیرڤان بارزانی پوستێ سەروکاتیا هەرێمێ وەربگریت دچار سالێن بهێت دا دێ شێت چ بکەت؟ سەروکێ هەرێمێ دێ نوینەراتیا خەلکێ هەرێمێ لسەر ئاستێ سیاسی و ناڤدەولەتی کەت، و دیسان نوینەراتیا هەریما کوردستانێ دچارەکرنا ئاریشان دگەل بەغدا و وەلاتێن بیانی، کو نێچیرڤان بارزانی خوەدیێ پەیوەندێن دبلوماسیێن بهێز بوویە دگەل هەموو وەلاتێن جیهانێ، و د نەخوەشترین کاودانان دا شیای کابینا هەشتێ یا حکوومەتێ برێڤە ببەت و کوردستانێ بهێز بهێلیت، و وەرگرتنا پوستێ سەروکاتیێ دچار سالێت بهێت دا کوردستانێ بەرەڤ قوناغەکا نویتر بیت و ئەو هەموو قەیران و رەنج و ماندیبوونا گەلێ کوردستانێ دچار سالێت بوریدا ب داوی هێن، وچار سالێت نووی یێن هەماهنگی و هەڤکاریا نێچیرڤان بارزانی و مەسرور بارزانی، کو نها مەسرور بارزانی بەربژارە ژبو پوستێ سەروک وەزیران، ئەڤەژی دێ دێ بیتە ئەگەرێ سەرکەڤنەکا مەزن ژبو هەرد ووان، کا چاوان بەریا نها هاریکار و هەماهنگ بوون، دیسان دێ شێن رەوشا کوردستانێ بەرەڤ ئێمناهیێ و پێشکەڤتنەک مەزنتربن، و کوردستانەکا بهێزر ئاڤابکن.

بابه‌تێن ب ڤێ مژارێ ڤه‌ گرێدای