باکۆرێ کوردستانێ.. 8 گەریلا ھاتن ھنگافتن

باکۆرێ کوردستانێ.. 8 گەریلا ھاتن ھنگافتن

WAAR-دهۆك:

وەزارەتا ناڤخوە یا تورکیا ھنگافتنا ھەشت گەریلایێن پەکەکێ ل گوندەوارێ پارێزگەھا ئاگری یا باکۆرێ کوردستانێ راگەھاند.
ل گۆری بەیانەکا وەزارەتا ناڤخوە یا تورکیا، ھێزێن وان د چارچووڤەیێ ئۆپەراسیۆنێن خوە یێن ناڤخوە دا، ل گوندەوارێ پارێزگەھا ئاگری یا باکۆرێ کوردستانێ ب پشتەڤانییا فرۆکەیێن شەرکەر ئۆپەراسیۆنەک لسەر پێگەھێن گەریلایێن پەکەکێ دەستپێکر.
وەزارەتا ناڤخوە یا تورکیا ئاشکرا کر: د ئۆپەراسیۆنێ دا ھەشت گەریلا ھاتن ھنگافتن و ئۆپەراسیۆن ل دەڤەرێ بەدرەوامە.
ژ ئالییێ خوە ڤە سولەیمان سویلۆ، وەزیرێ ناڤخوە یێ تورکیا راگەھاند؛ کو ژ کوما وان پێنج گەریلایێن ل نۆزدە مەھا بۆری یێن ل گوندەوارێ ئامەدێ ھاتینە ھنگافتن دو ژ وان دناڤا لیستا سور یا داخوزکرییێن حکومەتا تورکیا دا بوون و ئەنقەرە خەلات بۆ گرتنا وان تەرخان کربوو.

بابه‌تێن ب ڤێ مژارێ ڤه‌ گرێدای