بانكا نێڤده‌وله‌تى: دڤێت لوبنان حكومه‌تا نوو د ڤێ حه‌فتییێ دا پێك بینیت

بانكا نێڤده‌وله‌تى: دڤێت لوبنان حكومه‌تا نوو د ڤێ حه‌فتییێ دا پێك بینیت

WAAR-دهۆك:

بانكا نێڤده‌وله‌تى حه‌فتییه‌ك بۆ پێكئینانا حكومه‌تا نوو دا لوبنانێ و پارتییێن لوبنانی ژی یێن كار بۆ پێكئینانا حكومه‌ته‌كا ته‌كنۆكرات ب سه‌رۆكاتییا حه‌ریری دكه‌ن.
بانكا نێڤده‌وله‌تى راگه‌هاندنه‌ك ده‌رباره‌ی خوه‌نیشاندانێن لوبنانێ به‌لاڤ كر و تێدا راگه‌هاند: سه‌قامگیرییا لوبنانێ به‌رانبه‌ر مه‌ترسییێن مه‌زنه‌ و دڤێت حكومه‌ته‌كا نوو د ڤێ حه‌فتییێ دا بهێته‌ پێكئینان، داكو رووبرووی وان مه‌ترسییان ببیت و قه‌یرانا وێ یا دارایی چاره‌ بكه‌ت.
ژێده‌ره‌كێ لوبنانی ژی بۆ ئاژانسا سپۆتنیك یا رۆسی ئاشكه‌را كر: لوبنان یا به‌ر ب پێكئینانا حكومه‌ته‌كا ته‌كنۆكرات ڤه‌ دچیت و ئالییێن سیاسی یێن دانوستاندنان بۆ راسپاردنا سه‌رۆكوه‌زیرێ ده‌ستژكاركێشای سه‌عد حه‌ریری بۆ سه‌رۆكاتییا وێ حكومه‌تێ دكه‌ن.

بابه‌تێن ب ڤێ مژارێ ڤه‌ گرێدای