ئەورۆپا پشتەڤانیا دانوستاندنێن نۆرماندی دکەت

ئەورۆپا پشتەڤانیا دانوستاندنێن نۆرماندی دکەت

WAAR-دهوك:

ئێکەتییا ئەورۆپا پشتەڤانیا خوە بۆ پێشنیازا فرەنسا و رۆسیا یا دوبارەدەستپێکرنا دانوستاندنێن نۆرماندی ل دۆر کێشەیا ئۆکراینا دیار کر.
ئیمانوێل ماکرۆن، سەرۆکێ فرەنسا و ڤلادیمێر پۆتین، سەرۆکێ رۆسیا شڤێدی ل مارسیلیا پرسا ئۆکراینا و نیڤگراڤا کرایمیا گۆتوبێژ کر، ماکرۆنی داخوازا دەستپێکرنا گۆپیتکا نۆرماندی یا سەرۆکێن رۆسیا و ئۆکراینا، ھەروەھا ئەلمانیا و فرەنسا کر و ئاماژە کر کو پێدڤییە ئەو دانوستاندنە سەرکەفتی بن.
ژ ئالییێ خوە ڤە پۆتینی ژی گۆت: چ تشت نابنە شوونگرێن دانوستاندنێن نۆرماندی بۆ کێشەیێن د ناڤبه‌را مۆسکۆ و کییێڤێ دا.
ژ بەر ڤان داخویانییان، جڤاتا ئەورۆپا خوه‌شحالیا خوە دەربری و راگەھاند؛ ئەو پشتەڤانییا وێ یەکێ دکەن کو د ھەفتیێن بھێن ئەو دانوستاندنە دێ دەست پێ بکەن.
چوارینەیا نۆرماندی ل سالا دوھزار و چارده‌یێ ب ئارمانجا چارەکرنا کێشەیا مۆسکۆ و کییێڤێ ل ھەرێما نۆرماندی یا باکۆرێ رۆژئاڤایێ فرەنسا د ناڤبەرا رۆسیا و ئۆکراینا، ھەروەھا فرەنسا و ئەلمانیا دا ھاتبوو پێکئینان.

بابه‌تێن ب ڤێ مژارێ ڤه‌ گرێدای