ئەمریکا ھۆشداری ژ کرینا فرۆکەیێن SU-35 یێن رۆسی، دانە مسرێ

ئەمریکا ھۆشداری ژ کرینا فرۆکەیێن SU-35 یێن رۆسی، دانە مسرێ

WAAR-دهۆك:

ئەمریکا ھۆشداری ژ کرینا فرۆکەیێن شەرکەر یێن رۆسی سۆ سیھـ و پێنج، دانە مسرێ، کو دێ رووبرووی سزایان بیت.
رۆژنامەیا وۆل ستریت جۆرنال یا ئەمریکی بەلاڤکر: کو مارک ئێسپەر و مایک پۆمپێیۆ وەزیرێن بەرگری و دەرڤە یێن ئەمریکا ھۆشداری داینە مسرێ، کو گرێبەستێن مەزن یێن کرینا چەکێ رۆسی، دێ کارتێکرنێ ل پەیوەندیێن د ناڤبەرا واشنتۆن و قاھیرە دا کەن، تایبەت د وارێ بەرگرییێ دا.
رۆژناما ئەمریکی ئاماژە دایە: ل گۆری قانوونێن ئەمریکا، گەر حکومەتا مسرێ وێ گاڤێ بھاڤێژیت دی رووبرووی سزایێن دژوار بیت.
ئەڤ ھۆشدارییا ئەمریکا بۆ مسرێ ل دەمەکی یە، ل دەستپێکا فێ حەفتییێ سێرگی شویگۆ، وەزیرێ بەرگرییا رۆسیا سەرەدانا مسرێ کربوو و دگەل عەبدولفەتاح سیسی سەرۆکێ مسرێ کۆمببوو.

بابه‌تێن ب ڤێ مژارێ ڤه‌ گرێدای