ئەمریکا ژ ئیراقێ خواست ب لەز داخوازییێن خوەنیشاندەران بجھـ بینیت

ئەمریکا ژ ئیراقێ خواست ب لەز داخوازییێن خوەنیشاندەران بجھـ بینیت

WAAR-دهۆك:

وەزیرێ دەرڤە یێ ئەمریکا پەیوەندییەکا تێلەفۆنی بۆ سەرۆکوەزیرێ ئیراقێ کر و داخواز ژێ كر ب زووترین دەم داخوازیێن خوەنیشاندەران بھێن بجھئینان.
وەزارەتا دەرڤە یا ئەمریکا راگەھاند؛ مایک پۆمپێیۆی ب تێلەفۆنێ دگەل عادل عەبدولمەھدی ئاخفت و گۆت؛ داخوازییێن خوەنیشاندەران د رەوانە و داخواز ژی ژێ کر ب رێیا چاکسازییان و نەھێلانا گەندەلییێ داخوازییێن خوه‌نیشانده‌ران بجھبینن.
وەزیرێ دەرڤە یێ ئەمریکا کوشتنا خوەنیشاندەران و ب کارئینانا تۆندوتیژییێ ژی ژ ئالییێ ھێزێن ئێمناھی ڤە شەرمزار کر و دیار کر: خوەنیشاندان میکانزمەکا بنگەھیین یا ھەموو دیمۆکراسییانە.
ل گۆری راگەھاندنەکا ئۆفیسا سەرۆک وەزیرێن ئیراقێ، ھەردو ئالییان پەیوەندییێن دو قولی و بھێزکرنا پەیوەندییان د ناڤبەرا بەغدا و واشنتۆنێ ژی دا گوتوبێژ کرن.

بابه‌تێن ب ڤێ مژارێ ڤه‌ گرێدای