ئەمریکا داخواز کر پێگیری ب رێککەفتنا ئدلبێ بھێت کرن

ئەمریکا داخواز کر پێگیری ب رێککەفتنا ئدلبێ بھێت کرن

WAAR-دهوك:

ئەمریکا بۆمبەبارانکرنا کاروانێ ھێزێن تورکیا ژ ئالییێ سوپایێ سوورییێ ڤە شه‌رمزار کر و داخواز کر پێگیری ب رێککەفتنا ئدلبێ بھێت کرن.
مۆرگان ئۆرتاگۆس، پەیڤدارا وەزارەتا دەرڤە یا ئەمریکا ل دۆر بۆمبەبارانکرنا کاروانێ ھێزێن تورکیا ژ ئالییێ فرۆکەیێن شەرکەر یێن سوپایێ سوورییێ ڤە ل باژارکێ مەعه‌رەت نوعمان یێ سەر ب ئدلبێ ڤە، راگەھاند؛ ئەو یەک بەروڤاژی بەندێن رێککەفتنا ئدلبێ یە.
ئۆرتاگۆسی راگەھاند؛ پێدڤییە حکومەتا سوورییێ و ھەڤپەیمانێن وێ ڤەگەرن رێککەفتنا ئدلبێ و پێگیرییێ پی بکەن و بلەز ھێرشان رابوەستینن.
دوھی نەرینگەھا سووری یا مافێن مرۆڤی راگەھاندبوو؛ پشتی سوپایێ سوورییی چوویە ناڤا باژارکێ خانشەیخوون، تورکیا کاروانەکێ ھێزێ ژ بۆ پشتەڤانیکرنا چەکدارێن بەرەیێ نووسرە ھنارت وی باژارکێ، لێ ژ ئالییێ سوپایێ سوورییێ ڤە ھات بۆمبەبارانکرن.

بابه‌تێن ب ڤێ مژارێ ڤه‌ گرێدای