WAAR-دهۆك:
ل گۆره‌ی وەزارەتا دەرڤە یا ئەمریکا، ئیرانێ نێزیكی 16 ملیار دۆلار د پشتەڤانیکرنا رژێما سووریا، میلیشیاتێن شیعی دا خەرج کرینە.
كه‌نالێ “سی ئێن ئێن” ژ مه‌زنه بەرپرسه‌كێ وەزارەتا دەرڤە یا ئەمریکا ڤه‌گۆهاست، رژێما ئیرانێ د چوارچۆڤەیێ بزاڤێن خوە دا بۆ تێکدانا رەوشا رۆژھەلاتا ناڤین کوژمێ 16 ملیار دۆلاران د پشتەڤانیکرنا رژێما دیكتاتۆر به‌شار ئه‌سه‌دی، میلیشیاتا حزبوللا یا لوبنانی، حوسیێن یەمەنی و میلیشیاتێن ئیراقی دا خەرج کرینە.
ژ ئالییەکێ دی ڤە وەزارەتا دەرڤە یا ئەمریکا د تورا جڤاکی یا تۆیتەری دا بەحسا خوەنیشاندانێن ئیرانێ ژی کر و راگەھاند: وەلاتییێن ئیرانێ دەربرینێ ژ نەرازیبوونا خوە ژ گەندەلی و رێڤەبرنا خراب یا حکوومەتا خوە دکەن، سباھی وەزیرێ دەرڤە یێ ئه مریكا مایک پۆمپێیۆ دێ پشکدارییێ د چالاکییا رەڤەندا ئیرانی ل ئەمریکا یا ب درووشمێ “پشتەڤانیکرنا دەنگێن ئیرانییان” دا کەت و تێدا دێ گۆتارەکێ خوینت.
