ئەلمانیا.. 160 قاچاغچی ھاتینه‌ گرتن

ئەلمانیا.. 160 قاچاغچی ھاتینه‌ گرتن

WAAR-دهۆك:

پۆلیسێن ئەلمانیا راگەھاند؛ 160 کەس ب تۆمەتا دەربازکرنا کۆچبەرێن نەقانوونی ھاتینە دەستەسەرکرن، ھەژمارەکا وەلاتیێن ئیراقی ژی د ناڤ دانە.
تۆماس بۆرۆفیک، پەیڤدارێ سەرۆکاتییا پۆلیسێن فیدرال ل باژارێ میونشن یی ئەلمانی راگەھاند؛ پۆلیسێن فیدرال یێن ئەلمانی 160 بەرگۆمان ب تۆمەتا دەربازکرنا کۆچبەرێن نەقانوونی د 3 مەھین ئێکێ یێن ئەڤسالە دا دەستەسەرکرینە.
بۆرۆفیک ئاشکرا کر، ئەو ھەژمارا قاچاغچیان نیڤا وێ ھەژمارێ یە یێن ل سەرانسەری ئەلمانیا ھاتینە دەستەسەرکرن، ب وێ یەکێ ھەژ‌مارا قاچاغچییان بەراورد د گەل سالا بۆری زێدەبوویە.
ئامارێن پۆلیسین ئەلمانیا ئاشکرا دکەن، د چارێکا ئێکێ یا ئەڤسالە دا، 3 ھزار و 400 کەس ب رێیێن نەشەرعی چووینە ناڤا وی وەلاتی، د ھەمان دەمێ سالا بۆری ژی دا، 4 ھزار و 170 کەس دەربازی ناڤا سنۆرێن ئەلمانیا بووینە، پتریا وان کەسان ژی، ئیراقی، سربی، تورکی، مالدۆفی و ئەفغانی نە.

بابه‌تێن ب ڤێ مژارێ ڤه‌ گرێدای