ئەلمانیا مەشقدانا هێزێن ئیراقی راگرت

ئەلمانیا مەشقدانا هێزێن ئیراقی راگرت

WAAR-دهۆك:

سوپایێ ئەلمانیا بریارا راگرتنا مەشقا هێزێن ئیراقی دا و ئەگەر بۆ ئالۆزبوونا دەڤەرێ ڤەدگەڕیت.
ئاژانسا دی پی ئەی یا ئەلمانی ل گۆرەی ژێدەرەکێ سەربازی یێ وی وەلاتی راگەهاند، سەرکرداتییا سوپایێ ئەلمانی بڕیارا راگرتنا مەشقدانا هێزێن ئیراقی دایە، ژبەر کو کێشە ل دەڤەرێ ئالۆز دبن و ترسا سەرهلدانا شەڕان هەیە.
ژێدەری ئاماژە نەکرییە گەر سەربازێن ئەلمانی ژ هەرێما کوردستانێ ژی دێ هێنە ڤەکێسان یان نە و دیار نەکرییە راگرتنا مەشقێ ب ئێکجاری یان ب رەنگەکێ دەمکی یە.
ئەلمانیا هەر ژ دەستپێکا شەڕێ دژی داعشێ ژبلی هاریکاریێن چەکی، ب سوپایێ وەلاتێ خوە مەشقا هێزێن پێشمەرگەی و هێزێن ئیراقی ددا.

بابه‌تێن ب ڤێ مژارێ ڤه‌ گرێدای