ئەلمانیا: داگیرکاریا تورکیا دژی قانوونێن نێڤدەولەتیە

ئەلمانیا: داگیرکاریا تورکیا دژی قانوونێن نێڤدەولەتیە

WAAR-دهۆك:

ئەلمانیا ھێرشا تورکیا ل سەر رۆژئاڤایێ کوردستانێ ب داگیرکاری ناڤ کر و راگەھاند؛ ئەو ھێرشە دژی قانوونێن نێڤدەولەتیە.
ھایکۆ ماس، وەزیرێ دەرڤە یێ ئەلمانیا د داخویانیەکێ دا گۆت: داگیرکرنا دەڤەرێن باکۆرێ رۆژھەلاتێ سووریێ و ھێرشکرنا ھێزێن کوردی ژ ئالیی سوپایێ تورکیا ڤە دژی ھەموو قانوونێن نێڤدەولەتیە و قانوون رێکێ ب تورکیا نادەت وان ھێرشا و داگیرکاریێ بکەت.
ھەروەھا گۆت: ئەلمانیا ھەر تشتەکێ د شیان دا بیت دێ کەت دا راوەستاندنا شەری ژ 5 رۆژان زێدەتر بیت و سنۆرەکێ بۆ وێ داگیرکاریێ دانن.
سەرۆکێ فراکسیۆنا پارتیا سۆشیال دیمۆکرات یا د پەرلەمانێ ئەلمانیا ژی دا راگەهاند؛ پێدڤیە هێرشا تورکیا ل سەر رۆژئاڤایێ کوردستانێ بۆ دادگەها نێڤدەولەتی یا تاوان ببەن و سکلا ل سەر رەجەب تەیب ئەردۆغان بهێتە تۆمارکرن.
ئەلمانیا ھەر ژ دەستپێکا ھێرشا تورکیا دژایەتیا خوە راگەھاندبوو و ژ وەلاتێن دەستپێکێ بوو یێبن ئەورۆپی کو فرۆشتنا چەکی ب تورکیا قەدەغە کری.

بابه‌تێن ب ڤێ مژارێ ڤه‌ گرێدای