ئەلمانیا.. ئۆپەراسیۆنەک بۆ گرتنا قەچاخچییێن ئیراقی دەستپێکر

ئەلمانیا.. ئۆپەراسیۆنەک بۆ گرتنا قەچاخچییێن ئیراقی دەستپێکر

WAAR-دهۆك:

پۆلیسێن ئەلمانیا ئۆپەراسیۆنەکا بەرفرەھـ ل چەندین ھەرێمان بۆ گرتنا چەندین قەچاخچییێن ب رەگەز ئیراقی دەستپێکر، یێن کو بازرگانییێ ب مرۆڤ، چەک و مادەیێن ھشبەر دکەن.
پۆلیسێن ھەرێما نۆردراین ڤێست ڤالن یا ئەلمانی، راگەھاند؛ ئەوان ئۆپەراسیۆنەکا بەرفرەھـ ل ھەژمارەکا باژارێن ھەرێمێ دژی گرۆپەکێ مافییا و رێکخستن و کۆمەکا ماتورسوارێن ئیراقی بناڤی ئاشتی سێسەد و سێزد و ئەلسەلام سێسەد و سێزدە دەستپێکریە.
پۆلیسێن ئەلمانیا ئاشکرا کر، کو کارێ وان کەسان قەچاخی و بازرگانیکرنە ب مرۆڤ، چەک و مادیێن ھشبەر.
ھەڤدەی ڤێ مەھێ ژی پۆلیسێن ئەلمانیا دەستەسەرکرنا سەد و شێست کەسان ب تۆمەتا دەربازکرنا کۆچبەرێن نەقانوونی راگەھاندبوو، کو ھەژمارەکا وەلاتیێن ئیراقی ژی د ناڤ دابوون.

بابه‌تێن ب ڤێ مژارێ ڤه‌ گرێدای