ئەسەد: پێدڤییە تورکیا و ئەمریکا ژ سوورییێ دەربکەڤن

ئەسەد: پێدڤییە تورکیا و ئەمریکا ژ سوورییێ دەربکەڤن

WAAR-دهۆك:

سەرۆکێ سوورییێ داخوازا راوەستانا ھێرشێن تورکیا ل سەر رۆژئاڤایێ کوردستانێ و دەرکەفتنا ھێزێن تورکی و ئەمریکی ژ سوورییێ کر.
بەشار ئەسەد، سەرۆکێ رژێما سوورییێ د دەما پێشوازیکرنێ دا ل نوونەرێ تایبەت یێ فلادیمێر پۆتین، سەرۆکێ رۆسیا بۆ سوورییێ و سێرگی فیرشینین، جێگرێ وەزیرێ دەرڤە یێ رۆسیا و شاندەکا د گەل دا، راگەھاند: پێدڤییە تەکەز ل سەر راوەستاندنا ھێرشا دژمنکارانە یا تورکیا ل سەر سوورییێ بھێت کرن و ھێزێن تورکی و ئەمریکی خوە ژ خاکا سوورییێ ڤەبکێشن.
بەری نھا بوسەینە شەعبان، شیرەتکارا ئەسەدی ژی دیار کربوو؛ ھێرشا تورکیا ل سەر باکۆرێ رۆژھەلاتێ سوورییێ داگیرکاری یە و ئەو دەڤەرا ئەو دخوازیت ئاڤا بکەت، نە دەڤەرا ئارامە، بەلکو دەڤەرا داگیرکری یە.

بابه‌تێن ب ڤێ مژارێ ڤه‌ گرێدای