ئەردۆغان ئەڤرۆ دێ چیتە ئەمریکا

ئەردۆغان ئەڤرۆ دێ چیتە ئەمریکا

WAAR-دهۆك:

سەرۆکێ کۆمارا تورکیا ئەڤرۆ دێ ل سەر داخوازا دۆنالد ترامپی سەرەدانا ئەمریکا کەت و د گەل دا کۆم بیت.
رێڤەبەرییا په‌یوه‌ندییان یا سەرۆکاتییا تورکیا د بەیانەکێ دا راگەھاند؛ رەجەب تەیب ئەردۆغان، ئەڤرۆ دێ ب فەرمی ل سەر داخوازا دۆنالد ترامپ سەرەدانا ئەمریکا کەت و ل دو رۆژێن بهێن دێ د گەل ترامپی و بەرپرسێن ئەمریکا دا کۆم بیت.
هه‌روه‌ها دیاركر، ئەردۆغان و ترامپ دێ په‌یوه‌ندیێن تورکیا و ئەمریکا ژ ھەموو ئالییان ڤە، پرسێن ھەرێمی و جیھانی، تایبەت سووریێ، بهێزكرنا ھەماھەنگیێ د رووبرووبوونا تیرۆرێ دا، گۆتوبێژ کەن.
پشتی گازیكرنا ئەردۆغانی ژ ئالیێ ترامپی ڤە ژبۆ سەرەدانا ئەمریکا، چەندین ئەندامێن جڤاتا نوونەرێن ئه‌مریكا داخواز ژ ترامپی کر ژ بەر ھێرشێن تورکیا ل سەر رۆژئاڤایێ کوردستانێ و کڕینا سیستەما بەرگرییا ئێس چارسەد ژ رۆسیا، سه‌ره‌دانا ئه‌ردۆغانی بھێت ھەلوەشاندن و ل تورکیا ژی چەندین ئالیێن ئۆپۆزسیۆنێ، تایبەت جەھەپێ داخواز ژ ئەردۆغانی کر وێ سەرەدانێ رەت بکەت.

بابه‌تێن ب ڤێ مژارێ ڤه‌ گرێدای