ئێکەتییا ئەورۆپا: دێ رێکارێن زێدەتر ل دژی تورکیا گرینە بەر

ئێکەتییا ئەورۆپا: دێ رێکارێن زێدەتر ل دژی تورکیا گرینە بەر

WAAR-دهۆك:

ئێکەتییا ئەورۆپا ئاشکرا کر، ئەو دێ رێکارێن زێدەتر دژی تورکیا گرنە بەر، گەر ئەو ل سەر لێگەریانا غازێ ل بەراڤێن قوبرسێ بەردەوام بیت.
ئێکەتییا ئەورۆپا د بەیانەکێ دا راگەھاند؛ ئەو دێ دانوستاندنێن ل سەر ئاستێ بلند و رێککەفتنێن ڤەگوھاستنا ئاسمانی د گەل ئەنقەرە راگرن، ھاریکاریێن دارایی یێن سالا بھێن ژی دێ ھەلوەشینن، گەر تورکیا بەردەوام بیت ل سەر لێگەریانا نەقانوونی یا غازێ ل بەراڤێن قوبرسێ.
ئێکەتییا ئەورۆپا د بەیانا خوەدا ئاشکرا کر، جڤاتا ئێکەتییا ئەورۆپا ل سەر پێشنیازا کۆمسیۆنا ئەورۆپی رازی بوویە کو ھاریکارییان بۆ تورکیا کێم بکەن، ھەروەسا داخواز ژ بانکا ئەورۆپا کرییە پێداچوونەکێ د قەرێن خوەدا بۆ تورکیا بکەت.
پێشبینی دھێنە کرن ئێکەتییا ئەورۆپا بریارا داویێ ل دۆر وێ یەکێ د کۆمبوونا وەزیرێن دەرڤە دا ل رۆژا دوشەمبییا بھێت بدەت.

بابه‌تێن ب ڤێ مژارێ ڤه‌ گرێدای