ئیران: د 48 ساتێن بھێت دا کەشتییا گریس 1 دێ ھێت ئازادکرن

ئیران: د 48 ساتێن بھێت دا کەشتییا گریس 1 دێ ھێت ئازادکرن

WAAR-دھۆك:

مەدیایێن ئیرانی راگەھاند؛ کەشتیا وان یا ل جەبەل تارق د 48 ساتێن بھێت دا د ھێتە ئازادکرن.
تێلەڤزیۆنا فه‌رمییا ئیرانێ ژ چەندین ژێدەرێن ناڤخوە راگەھاند؛ ئازادکرنا کەشتیا ب ناڤێ گریس وەن ئه‌وا ل مەھا بوری ژ ئالیێ بریتانیا ڤە ل جەبەل تارق ھاتیە گرتن دێ ژ ئەنجامێ رێکارێن دپلۆماسی یێن ئیرانێ ھێتە ئازادکرن و د 48 ساتێن بھێت ئەو کەشتیە دێ دوبارە ڤەگەریت، دوھی ژی مەدیاییێن ئیرانێ باس ل ئازادکرنا کەشتیێ کربوو، لێ دەستھەلاتدارێن جەبەل تارق ئەو یەکە رەت کربوو.
کەشتیا ئیرانی ل مەھا بوری ب تۆمەتا ھنارتنا پەترۆلا خام بۆ سووریێ ھاتبوو گرتن و ئەو یەک دژی سزایێن ئێکەتییا ئەورۆپا نە ل سەر دیمەشقێ و ب چەند رۆژان پشتی وێ گرتنێ، ئیرانێ ژی ل کەنداڤی دەست ب سەر کەشتیەکا بریتانیا دا گرتبوو و ڤێ یەکێ رەوش د ناڤبەرا وان هه‌دو وه‌لاتان دا ئالۆز کریە.

بابه‌تێن ب ڤێ مژارێ ڤه‌ گرێدای