ئیراق.. دەنگۆیێ دەست ژکارکێشانا حکومەتا عەبدولمەھدی گەرم دبیت

ئیراق.. دەنگۆیێ دەست ژکارکێشانا حکومەتا عەبدولمەھدی گەرم دبیت

WAAR-دهۆك:

لگەل داخوازییا موقتەدا سەدر رابەرێ رەوتا سەدری یا کرنا خوەنیشاندانێن ملیۆنی ل ئەینییا بھێت، دەنگۆیێ دەست ژ کارکێشانا حکومەتا عەبدولمەھدی گەرم دبیت و باس ل پێکئینانا حکومەتەکا کاربرێکار دھێت کرن.
شێخ محەمەد بەسری، پەرلەمانتارێ ھەڤپەیمانییا یاسا ب سەرۆکاتییا نووری مالکی ئاشکەرا کر: حکومەتا عەبدولمەھدی رۆژا بیست و چاری ڤێ مەھێ دێ دەستژکارکێشانا خوە راگەھینیت و دێ بیتە حکومەتەکا کاربرێکار و سەرۆکوەزیر ژی دێ داخوازا ھەلبژارتنێن پێشوەخت د شەش مەھان دا و ب چاڤدێرییا نێڤدەولەتی کەت.
ژ ئالیێ خوەڤە مەدیایێن ئیراقی ژ زارێ ژێدەران بەلاڤکر: نڤیسینگەھا سیستانی لێڤەگەرێ بلند یێ شیعەیێن ئیراقێ ل وێ باوەرێ یە کو حکومەتا عەبدولمەھدی ژ بەر نەشیانێن بجھئینانا داخوازیێن خوەنیشاندەران، دێ دەستژکارکێشانا خوە راگەھینیت و ھەروەسا باس ل پێکئینانا حکومەتەکا کاربرێکار ژی کرییە.

بابه‌تێن ب ڤێ مژارێ ڤه‌ گرێدای