ئیراق بۆ ئەمریکا: ئیراق گۆرەپانا ململانێ و ناکۆکییان نینە

ئیراق بۆ ئەمریکا: ئیراق گۆرەپانا ململانێ و ناکۆکییان نینە

WAAR-دهۆك:

وەزیرێ دەرڤەیێ ئیراقێ کاربرێکەرێ بالیۆزخانەیا ئەمریکا ل بەغدا گازی کر و پێ راگەھاند؛ ئیراق گۆرەپانا ململانێ و ناکۆکییان نینە.
وەزارەتا دەرڤە یا ئیراقێ د بەیانەکێ دا راگەھاند؛ محەمەد حەکیم، وەزیرێ دەرڤە، براین ماکفیتەرز، کاربرێکەرێ بالیۆزخانەیا ئەمریکا ل بەغدا داخواز کرە وەزارەتا دەرڤە و د کۆمبوونەکێ دا پەیوەندیێن بەغدا و واشنتۆنێ و داوی پێشھاتێن دەڤەرێ د گەل دا گۆتوبێژ کرن.
ل گۆرەی بەیانا وەزارەتا دەرڤە یا ئیراقێ، محەمەد حەکیم پرسا پەقینێن بارەگەھێن حەشدا شەعبی د گەل ماکفیتەرز گۆتوبێژ کرینە کو چار بارەگەھێن وان د ئێک مەھـ دا ھاتینە پەقاندن.
حەکیم بۆ ئالیێ ئەمریکی دیار کرییە، ئیراق پێگیرە پەیوەندیێن باش د گەل جیرانێن خوە ھەبن و ئیراق گۆرەپانا ململانێ و ناکۆکییان نینە.

بابه‌تێن ب ڤێ مژارێ ڤه‌ گرێدای