ئیراقێ سه‌را د. نه‌جمه‌دین که‌ریمی په‌یوه‌ندی ب لوبنانێ کر

ئیراقێ سه‌را د. نه‌جمه‌دین که‌ریمی په‌یوه‌ندی ب لوبنانێ کر

WAAR-دهۆك:

وه‌زاره‌تا ناڤخوه‌ یا ئیراقێ ب به‌هانه‌یا بهه‌ده‌ردانا مولکێ گشتی دڤێت رێ ل پارێزگه‌رێ شه‌رعی یێ که‌رکووکێ بهێته‌ گرتن كو ژ لوبنانێ ده‌ربکه‌ڤیت.
د نڤیساره‌کا وه‌زاره‌تا ناڤخوه‌ یا ئیراقێ دا دیار دبیت، نڤیسینگه‌ها ئه‌نته‌رپۆلا به‌غدا داخاز ژ نڤێسنگه‌ها پۆلیسێن ئه‌نته‌رپۆلێ ل به‌یرووتێ كرییه‌ د. نه‌جمه‌دین که‌ریم، پارێزگه‌رێ شه‌رعی یێ که‌رکووکێ ده‌سته‌سه‌ربكه‌ن و دا یه‌ زانین: نه‌جمه‌دین كه‌ریم ل به‌غدایێ ب بهه‌ده‌ردانا مولکێ گشتی دهێته‌ سووچبار کرن.
د نڤیسارێ دا هه‌روه‌سا هاتییه‌، پشتی نووچه‌یێ ئازادکرنا د. نه‌جمه‌دین که‌ریمی بوویه‌ بابه‌تێ مه‌دیایێ و رایا گشتی، پێدڤی یه‌ به‌یرووت رێ لێ بگریت و رێكێ نه‌ده‌ت ژ لوبنانێ ده‌ربکه‌ڤیت، تا کو بریار ل سه‌ر دۆسیا وی دهێته‌ دان و ئیراق ب رێیێن دیپلۆماسی داخوازا راده‌ستکرنا وی دکه‌ت.
هه‌ڤده‌م نڤیسسینگه‌ها عادل عه‌بدولمه‌هدی، سه‌رۆکوه‌زیرێن ئیراقێ راگه‌هاندییه‌، حکومه‌تا ئیراقێ ده‌ست د ئازادکرنا د. نه‌جمه‌دین که‌ریمی دا نه‌بوویه‌.
به‌ریا پێنج رۆژان پارێزگه‌رێ شه‌رعی یێ که‌رکووکێ ل به‌یرووتێ ژ ئالییێ پۆلیسێن لوبنانی ڤه‌ هاتبوو گرتن، پشتی ئازادکرنا وی ژی راگه‌هاندبوو: گرتنا وی ل سه‌ر سکالایه‌کا حه‌یده‌ر عه‌بادی، بوو کو ل سه‌ر ده‌مێ رێفراندوما سه‌رخوه‌بوونا کوردستانێ ل سه‌ر وى هاتبوو توماركرن.

بابه‌تێن ب ڤێ مژارێ ڤه‌ گرێدای