ئیدر.. رێورەسمێن مارەبڕینێ ل سەرێ چیایی کرن

ئیدر.. رێورەسمێن مارەبڕینێ ل سەرێ چیایی کرن

WAAR-دهۆك:

بووک و زاڤایەکێن چیاڤان پشتی ب سەر چیایەکێ پارێزگەھا ئیدرێ ل باکۆرێ کوردستانێ کەفتین و بریارا ھەڤژینیێ دای، رێورەسمێن مارەبڕینێ ل گۆبیتکا چیای کرن.
ئەکین کایادیبی و زەکی میکیاس، کچ و کوڕەکێن چیاڤانن و ل سالا دوھزار و ھەڤدێ دەمێ ب سەر چیایەکێ کەفتین کو 3200 مەتران ل سەر ئاستێ دەریایێ بلندە، بریار دا بوو خێزانێ پێکبینن.
پشتی بوورینا 2 سالان ئەو ھەردو چیاڤان بۆ رێورەسمێن مارەبڕینێ چوونە سەرێ چیایەکێ ب بلنداھییا 2500 مەتارن ل سەر ئاستێ دەریایێ و بۆ وێ مەرەمێ داخوازا ھاریکاریێ ژ ھەڤالێن خوە یێن چیاڤان کر.
ئەحمەد سەعید سەد‌رەددین، سەرۆکێ شارەدارییا باژارێ قولبێ سەر ئیدرێ ڤە، د گەل ھەر 2 چیاڤانان چوویە سەرێ چیایێ و جلکێن تایبەت بۆ رێورەسمێن مارەبرینێ ل بەرخوە کرن و جزدانا ھەڤژینیێ رادەستی ئەکینێ و زەکی کر.

بابه‌تێن ب ڤێ مژارێ ڤه‌ گرێدای