ئیداره‌یا ترامپی دێ زانیاریێن نھێنی ل دۆر ئیرانێ بۆ کۆنگرێسی ئاشکرا کەت

ئیداره‌یا ترامپی دێ زانیاریێن نھێنی ل دۆر ئیرانێ بۆ کۆنگرێسی ئاشکرا کەت

WAAR-دهۆك:

بەرپرسێن ئیدارا ئەمریکا ل ھەفتییا بھێت دێ زانیاریێن نھێنی ل دۆر داوی پێشھاتێن ئیرانێ بۆ کۆنگرێسی ئاشکرا کەن.
ژێدەرەکی ژ کۆنگریسێ ئەمریکا ئاشکرا کر کو ل رۆژا سێشەمبا بھێت، ھەر ئێک ژ مایک پۆمپێیۆ، وەزیرێ دەرڤە و جەنەرال جۆزێف دانفۆرد، سوپاسالارێ ئه‌مریكا، ھەروەھا پاترێک شاناھان، وەزیرێ بەرگریێ ب وەکالەت، دێ بەرھەڤی روونشتنا جڤاتا پیران بن و دێ زانیاریێن نھێنی و گرنگ ل دۆر داوێ پێشھاتێن رەوشا د گەل ئیرانێ ئاشکرا کەن، پشتی کو ھەردو پارتیێن دیمۆکرات و کۆماری یێن ئەمریکا داخوازا زانیارییان کرین.
ژێدەری دا زانین، جڤاتا نوونەران ژی کو پرانیا وێ د دەست دیمۆکراتان دایە ل به‌ندا مایک پۆمپێیۆ یە ھەمان زانیارییان ئاشکرا بکەت، لێ تا نھا ژڤانێ وێ کۆمبوونێ نەھاتییە دیاركرن.
نێزیکی دو ھەفتیانە ئەندامێن کۆنگرێسێ ئەمریکا ره‌خنه‌یا وێ یەکی دکەن کو ئیداره‌یا ترامپی چ زانیارییان لدۆر رەوشا ئیرانێ بۆ وان ئاشکرا ناکەن و ھندەک ئەندامێن کۆمارییان ژی د بێژن: ئەو چ ژ رەوشێ نزانن.

بابه‌تێن ب ڤێ مژارێ ڤه‌ گرێدای