ئیتالیا.. جڤاتا پیران باوەری دا حکومەتا نوو

ئیتالیا.. جڤاتا پیران باوەری دا حکومەتا نوو

WAAR-دهۆك:

کابینا نوویا حکومەتا ئیتالیا باوەریا جڤاتا پیران ژی دەستڤە ئینا و ب فەرمی دەستبکار بوو.
ب رۆژەکێ پشتی جڤاتا نوونەران باوەری دایە حکومەتانوو یا ئیتالیا ب سەرۆکاتیا جۆزێپی کۆنتێ، شڤێدی ھەمان پرۆژە چوو بەر دەستێ جڤاتا پیران ژی و ئەندامێن وێ جڤاتێ ب سەد و شێست و نەھـ دەنگان باوەری دا کابینا نوو و ل ھەمبەر دا سەد و سیھـ و سێ ئەندام دژبوون و پێنج ئەندامێن دی دەنگ نەدا.
ب ڤێ بریارێ، حکومەتا نوو یا ئیتالیا یا پێکھاتی ژ ھەڤپەیمانیا بزاڤا پێنج ستێر و پارتیا دیمۆکرات یا چەپره‌و ب سەرۆکاتیا جۆزێپى کۆنتێ ب فەرمی دەستبکار بوو.
ئیتالیا دەما دو مەھان بوو کەفتبوو د کریزەکا سیاسی دا پشتی کو ماتیۆ سالڤینی، وەزیرێ ناڤخوە پارتیا خوە ژ حکومەتێ ڤەکێشایی و ھیڤیا وی ئەوبوو ھەلبژارتنێن پێشوەخت بھێنە کرن و ئەو ھەڤرکیێ بۆ پۆستێ سەرۆکوەزیران بکەت، لێ وان پێن گاڤێن وی سەرکەفتن نەئینا و بزاڤا پێنج ستێر و پارتیا دیمۆکرات یا چەپروو ھەڤپەیمانیەک گرێدا و حکومەتا خو یا نوو پێکئینا.

بابه‌تێن ب ڤێ مژارێ ڤه‌ گرێدای