ئۆکتای: شارەدارێن دوورخستی ھاریکارییا تیرۆرێ دکر

ئۆکتای: شارەدارێن دوورخستی ھاریکارییا تیرۆرێ دکر

WAAR-دهوك:

جێگرێ سەرۆکێ کۆمارا تورکیا دیار کر کو دوورخستنا شارەدارێن باکۆرێ کوردستانێ پێدڤی بوو، ژ بەر کو ھاریکارییا تیرۆرێ دکر.
فوئاد ئۆکتای، جێگرێ سەرۆکێ کۆمارا تورکیا ل دۆر دوورخستنا ھەڤشارەدارێن ئامەد، وان و مێردینێ یێن باکۆرێ کوردستانێ و دانانا قەیوومان ل شوونا وان و گرتنا زێدەتری چارسەد بەرپرس و ئەندام و ئالیگرێن ھەدەپێ، ل سەر پێگەھێ خوە یێ تۆرا جڤاکی یا تویتەرێ راگەھاند: د چارچووڤەیا خەباتێن دیمۆکراسی دا، نابیت دەستوەردان د شارەدارییێن ھاریکارێن تیرۆرێ دا، بھێت پشتگۆھھاڤێتن و ئەو چ جاران ئیرادەیا گەلی رادەستی رێکخستنێن تیرۆرستی ناکەن.
ئۆکتایی گۆت ژی: ب رێیا لێکۆلینێن یاسایی و کارگێری، ھات ئاشکەراکرن کو شارەدارێن دوورخستی شیان و دەستھەلاتێن شارەدارییێن خوە د بەرژەوەندییا تێکخستنێن تیرۆرستی دا بکار ئیناینە، لەورا ژی ئەوا ھاتی کرن پێدڤی بوو.

بابه‌تێن ب ڤێ مژارێ ڤه‌ گرێدای