ئه‌مریكا هێزێن خوه‌ ژ رۆژئاڤایێ كوردستانێ ڤه‌كیشان

ئه‌مریكا هێزێن خوه‌ ژ رۆژئاڤایێ كوردستانێ ڤه‌كیشان

WAAR-دهۆك:

هێزێن ئه‌مریكی ئه‌ڤرۆ سپێدێ ده‌ست ب ڤه‌كێشانا هێزێن خوه‌ ژ رۆژئاڤا كوردستانێ كرینه‌ و د ده‌ریێ سێمالكا را ژبۆ هه‌رێما كوردستانێ و پاش بۆ ئیراقێ ده‌رباس كرن.
به‌ختیار زێباری هنارتیێ وار بۆ رۆژئاڤایێ كوردستانێ دیاركر، ئه‌ڤرۆ ل سات دوێ سپێدێ، سێ كاروانێن هێزێن ئه‌مریكی ژ بنگه‌هێ قه‌سرووكێ یێ هه‌ڤپه‌یمانییا نێڤده‌وله‌تی هاتن ڤه‌كێشان، پشتی كو ل دو رۆژێن بۆری هیز ژ كۆبانێ و منبجێ ژی ڤه‌كێشاین.
دیار ژی كر، كاروانێن ئه‌ڤرۆ سپێدێ ده‌ست ب لڤینێ كری، ژ بنگه‌هێ قه‌سرووكێ یێ سه‌ر ب حه‌سه‌كێ ڤه‌ هاتینه‌ ڤه‌كێشان و ب رێیا ده‌ریێ سێمالكا را ده‌رباسی هه‌رێما كوردستانێ بووینه‌.
زانیاری ئاماژه‌ دكه‌ن، دگه‌ل گه‌هشتنا وان بۆ ئاخا هه‌رێما كوردستانێ، كۆپته‌رێن سه‌ربازی چاڤدێریا كاروانێ هێزێن ئه‌مریكی دكر و به‌ر ب ئیراقێ ڤه‌ هاتنه‌ برێ ئێخستن.
ئاژانسا سانا یا سووری ڤیدیۆیا ڤه‌كێشانا هێزێن ئه‌مریكی به‌لاڤكریه‌ و راگه‌هاندییه‌؛ ئه‌مریكا ته‌ڤ هێزێن خوه‌ ل بنگه‌هێ قه‌سرووكێ كۆم كربوون، وه‌ك به‌رهه‌ڤی بۆ ڤه‌گوهاستنا وان به‌ر ب ئیراقێ.

بابه‌تێن ب ڤێ مژارێ ڤه‌ گرێدای